കുറച്ചുനാളായി ആളുകള്‍ എത്താതെ ഉറങ്ങിക്കിടന്നിരുന്ന കേരളത്തിലെ തിയേറ്ററുകളില്‍ പലതും 2018 ന്റെ വരവോടെ ഉണര്‍ന്നു. പ്രവര്‍ത്തി ദിനങ്ങളില്‍ പോലും നിരവധി ഹൗസ് ഫുള്‍ ഷോകള്‍ ഉണ്ടാക്കാന്‍ ചിത്രത്തിനായി എന്നത് തന്നെയാണ് നേട്ടം. നല്ല സിനിമകള്‍ വരുമ്പോള്‍ ഒ.ടി.ടിയില്‍ എത്തും വരെ കാത്തുനില്‍ക്കാനുള്ള ക്ഷമ പ്രേക്ഷകര്‍ക്ക് ഉണ്ടാവില്ല. 2018 വിജയത്തില്‍ സന്തോഷത്തിലാണ് സിനിമാലോകം. സംവിധായകന്‍ ഡിജോ ജോസ് ആന്റണി പ്രശംസിച്ചുകൊണ്ട് രംഗത്തെത്തി.
'എന്താ പറയാ... ഇന്ന് നമ്മുടെ കഥ തിരശ്ശീലയില്‍ കണ്ടു ... ഈ സിനിമയെ കുറിച്ച് പറയാന്‍ വാക്കുകള്‍ ഇല്ല.
അത് കണ്ടറിയണം... തിയേറ്ററില്‍ തന്നെ കാണണം.2018 - ഒരു Jude Antony സംഭവം ',-ഡിജോ ജോസ് ആന്റണി കുറിച്ചു.
ജനഗണമന വിജയത്തിനുശേഷം സംവിധായകന്‍ ഡിജോ ജോസ് ആന്റണി പുതിയ ചിത്രം പ്രഖ്യാപിച്ചു. നിവിന്‍ പോളിയെ നായകനാക്കി ലിസ്റ്റിന്‍ സ്റ്റീഫന്‍ നിര്‍മ്മിക്കുന്ന സിനിമ ഒരുങ്ങുകയാണ്.
