Diya Krishna: ദിയ കൃഷ്ണയ്ക്ക് ആൺകുഞ്ഞ്; സന്തോഷത്തിൽ താരകുടുംബം

നിരവധി പേരാണ് ദിയക്കും അശ്വിനും അഭിനന്ദനങ്ങളറിയിച്ചത്.

കൃഷ്ണകുമാർ കുടുംബത്തിലേക്ക് ആദ്യത്തെ ആൺകുഞ്ഞ് എത്തി. ദിയ കൃഷ്ണയ്ക്കും ഭർത്താവ് അശ്വിൻ ​ഗണേശിനും കുഞ്ഞ് ജനിച്ചു. അവസാനം ഞങ്ങളുടെ ലിറ്റിൽ മാൻ എത്തി എന്ന ക്യാപ്ഷനോടെയാണ് ദിയയും അശ്വിനും ഈ സന്തോഷ വാർത്ത ആരാധകരുമായി പങ്കുവെച്ചത്. നിരവധി പേരാണ് ദിയക്കും അശ്വിനും അഭിനന്ദനങ്ങളറിയിച്ചത്. 

പോസ്റ്റ് ചെയ്ത് അര മണിക്കൂറിനുള്ളിൽ ഏഴായിരത്തിലേറെ കമന്റുകൾ വന്നു. ദിയയെയും കുടുംബത്തെയും പോലെ ആരാധകരും ഈ സന്തോഷ വാർത്തയ്ക്കായി കാത്തിരിക്കുകയായിരുന്നു. ​ഗർഭിണിയായത് മുതലുള്ള വിശേഷങ്ങൾ ദിയ ആരാധകരുമായി പങ്കുവെക്കുന്നുണ്ട്. 

കഴിഞ്ഞ വർഷം സെപ്റ്റംബർ മാസത്തിലായിരുന്നു ദിയ കൃഷ്ണയുടെയും അശ്വിൻ ​ഗണേശിന്റെയും വിവാഹം. വിവാഹ ശേഷം വെെകാതെ ദിയ ​ഗർഭിണിയായി. പെട്ടെന്ന് അമ്മയാകണമെന്നത് ദിയയുടെ തീരുമാനമായിരുന്നു. വിവാഹിതയായി അമ്മയായി ജീവിക്കാണമെന്നാണ് താനെപ്പോഴും ആ​ഗ്രഹിച്ചതെന്ന് ദിയ നേരത്തെ വ്യക്തമാക്കിയതാണ്. പ്രസവ കാലത്തും ബിസിനസും വ്ലോ​ഗുമെല്ലാമായി ദിയ തിരക്കുകളിലായിരുന്നു.

‌ദിയയുടേത് സുഖ പ്രസവമായിരിക്കുമെന്ന് പ്രതീക്ഷിക്കുന്നെന്ന് അമ്മ സിന്ധു കൃഷ്ണ കഴിഞ്ഞ ദിവസം പറഞ്ഞിരുന്നു. ഓസിയുടേതും (ദിയ) എന്നെ പോലെ സ്മൂത്തായ ‍ഡെലിവറി ആയാൽ മതിയായിരുന്നു. എനിക്ക് റിക്കവറി വളരെ പെട്ടെന്നായിരുന്നു. പ്രെ​ഗ്നൻസിയും ഡെലിവറിയും എനിക്ക് വലിയ ഇഷ്യൂ ആയിരുന്നില്ല. അവൾക്കും അങ്ങനെയായാൽ മതിയായിരുന്നെന്നാണ് സിന്ധു കൃഷ്ണ പറഞ്ഞത്.