ചെന്നൈ: ചലച്ചിത്ര സീരിയല്‍ നടന്‍ രാഹുല്‍ രവിക്കെതിരെ ചെന്നൈ പോലീസ് ലുക്കൗട്ട് നോട്ടീസ് പുറപ്പെടുവിച്ചു. ശാരീരികമായി തന്നെ ഉപദ്രവിക്കുന്നതായുള്ള ഭാര്യ ലക്ഷ്മി എസ് നായര്‍ നല്‍കിയ പരാതിയുടെ അടിസ്ഥാനത്തിലാണ് നടപടി. മറ്റൊരു സ്ത്രീയ്‌ക്കൊപ്പം രാഹുലിനെ സ്വന്തം അപ്പാര്‍ട്ട്‌മെന്റില്‍ വെച്ച് കണ്ടിരുന്നതായും ലക്ഷ്മി പരാതിയില്‍ ആരോപിക്കുന്നു.
പെരുമ്പാവൂരില്‍ വെച്ച് 2020ലായിരുന്നു രാഹുലിന്റെയും ലക്ഷ്മിയുടെയും വിവാഹം. എന്നാല്‍ ഇരുവരും വേര്‍പിരിഞ്ഞതായി അടുത്തിടെ വാര്‍ത്തകള്‍ പ്രചരിച്ചിരുന്നു. ഇതിന് പിന്നാലെയാണ് രാഹുലിനെതിരെ പോലീസ് ലുക്കൗട്ട് നോട്ടീസ് ഇറക്കിയ വാര്‍ത്ത പുറത്തുവന്നീര്‍ക്കുന്നത്. നടന്‍ സ്ഥിരമായി ഭാര്യ ലക്ഷ്മിയെ മര്‍ദ്ദിക്കാറുണ്ടായിരുന്നതായി പരാതിയില്‍ പറയുന്നു.
പ്രണയം പുറത്തുപറഞ്ഞുകൊണ്ടുള്ള പോസ്റ്റുകള്‍ ഇരുവരും സമൂഹമാധ്യമങ്ങളില്‍ പങ്കിട്ടിരുന്നെങ്കിലും ആ പോസ്റ്റുകളെല്ലാം ഇരുവരും തങ്ങളുടെ സോഷ്യല്‍ മീഡിയയില്‍ നിന്നും നീക്കം ചെയ്തിട്ടുണ്ട്. വിവാഹചിത്രങ്ങള്‍ കൂടി നീക്കിയതോടെയാണ് താരങ്ങള്‍ വേര്‍പിരിഞ്ഞെന്ന വാര്‍ത്തകള്‍ പ്രചരിച്ചത്. നന്ദിനി എന്ന ഹിറ്റ് സീരിയലിലെ പ്രധാന കഥാപാത്രമായി എത്തിയതോടെയാണ് രാഹുല്‍ തെന്നിന്ത്യയാകെ ശ്രദ്ധിക്കപ്പെട്ടത്.
