ദുല്‍ഖര്‍ സല്‍മാന്‍ നായകനായ എത്തുന്ന പുതിയ ചിത്രം പ്രഖ്യാപിച്ചു.'ലക്കി ഭാസ്‌കര്‍'എന്ന് പേരിട്ടിരിക്കുന്ന സിനിമ വെങ്കി അറ്റ്ലൂരിയാണ് സംവിധാനം ചെയ്യുന്നത്.ധനുഷിന്റെ വാത്തി ഒരുക്കിയ സംവിധായകനാണ് ഇദ്ദേഹം.സീതാരാമത്തിന് ശേഷം ദുല്‍ഖറിന്റെ പാന്‍ ഇന്ത്യന്‍ ചിത്രം കൂടിയാണിത്.
ജിവി പ്രകാശ് കുമാറാണ് സിനിമയ്ക്ക് സംഗീതം ഒരുക്കുന്നത്.നവീന്‍ നൂലി എഡിറ്റിംഗ് നിര്‍വഹിക്കുന്നു.വിനീഷ് ബംഗ്ലാന്‍ ആണ് കലാസംവിധാനം. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.സിത്താര എന്റര്‍ടെയ്ന്‍മെന്റ്‌സിന്റെയും ഫോര്‍ച്യൂണ്‍ ഫോര്‍ സിനാമാസിന്റെയും ബാനറുകളില്‍ സൂര്യദേവര നാഗ വംശിയും സായ് സൗജന്യ ചേര്‍ന്നാണ് ചിത്രം നിര്‍മ്മിക്കുന്നത്.
