ലക്കി ഭാസ്കറും ഹിറ്റ്, തെലുങ്ക് സിനിമകൾക്ക് പ്രതിഫലം ഉയർത്തി ദുൽഖർ സൽമാൻ

മലയാളത്തിലാണ് തുടക്കം കുറിച്ചെങ്കിലും മലയാളത്തിനേക്കാള്‍ അന്യഭാഷ സിനിമകളില്‍ സജീവമാണ് മലയാളി താരമായ ദുല്‍ഖര്‍ സല്‍മാന്‍. അടുത്തിടെ റിലീസായ തെലുങ്ക് സിനിമയായ ലക്കി ഭാസ്‌കറും മികച്ച പ്രതികരണമാണ് തിയേറ്ററുകളില്‍ നിന്നും നേടുന്നത്. ഇതോടെ തെലുങ്കില്‍ വരാനിരിക്കുന്ന തന്റെ സിനിമകളുടെ പ്രതിഫലം ദുല്‍ഖര്‍ ഉയര്‍ത്തിയതായാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്.

ലക്കി ഭാസ്‌കറിന് ശേഷം 3 സിനിമകളില്‍ ദുല്‍ഖര്‍ കരാര്‍ ഒപ്പിട്ടതായാണ് വിവരം.ഇതില്‍ ഒരു സിനിമ റാണ ദഗുബാട്ടിക്കൊപ്പമാണെന്നാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്.അതേസമയം ഔദ്യോഗിക സ്ഥിരീകരണം ഒന്നും തന്നെയുണ്ടായിട്ടില്ല. വെങ്കി ആറ്റ്‌ലൂരി തിരക്കഥ രചിച്ച് സംവിധാനം ചെയ്ത് ലക്കി ഭാസ്‌കറിന് തെലുങ്കിന് പുറമെ തമിഴിലും മലയാളത്തിലും മികച്ച പ്രതികരണമാണ് ലഭിക്കുന്നത്. മലയാളത്തില്‍ കിംഗ് ഓഫ് കൊത്തയാണ് ദുല്‍ഖറിന്റേതായി പുറത്തിറങ്ങിയ അവസാനത്തെ സിനിമ.