വിജയിക്കെതിരെ വ്യാജവാര്‍ത്തകള്‍ സൃഷ്ടിച്ചാല്‍ പണി കിട്ടും! മുന്നറിയിപ്പുമായി വിജയ് മക്കള്‍ ഇയക്കം

നടന്‍ വിജയമായി ബന്ധപ്പെട്ട വ്യാജവാര്‍ത്തകള്‍ സൃഷ്ടിക്കുകയും അത് പ്രചരിപ്പിക്കുകയും ചെയ്യുകയാണെങ്കില്‍ നിയമം നടപടിയുമായി മുന്നോട്ടുപോകുമെന്ന് ആരാധക സംഘടനയായ വിജയ് മക്കള്‍ ഇയക്കം.   

വിജയ് രാഷ്ട്രീയത്തിലേക്ക് ഇറങ്ങുന്നു എന്ന അഭ്യൂഹങ്ങളുടെ പശ്ചാത്തലത്തിലാണ് വിജയ് മക്കള്‍ ഇയക്കം ജനറല്‍ സെക്രട്ടറി ബുസി ആനന്ദ് മുന്നറിയിപ്പ് നല്‍കിയിരിക്കുന്നത്. പ്രമുഖ രാഷ്ട്രീയ പാര്‍ട്ടികളുമായി വിജയ് സഖ്യം ഉണ്ടാക്കി അടുത്ത നിയമസഭാ തിരഞ്ഞെടുപ്പില്‍ മത്സരിക്കുമെന്നും ആയിരുന്നു മധുരയില്‍ പ്രത്യക്ഷപ്പെട്ട പോസ്റ്ററുകള്‍.വിജയ് മക്കള്‍ ഇയക്കത്തിന്റെ ചുമതലക്കാര്‍ എന്ന പേരില്‍ ചിലയാളുകളുടെ പേരുകളും പോസ്റ്ററില്‍ ഉണ്ടായിരുന്നു. 

എന്നാല്‍ പോസ്റ്ററില്‍ പ്രത്യക്ഷപ്പെട്ട പേരുകള്‍ തങ്ങളുടെ സംഘടനയില്‍ ഉള്ള ആളുകളുടെ അല്ലെന്ന് ആനന്ദ് പറഞ്ഞു. ഇത്തരത്തിലുള്ള പ്രചാരണങ്ങള്‍ നടത്തുന്നവര്‍ക്കെതിരേ കര്‍ശന നടപടിയുണ്ടാകുമെന്ന മുന്നറിയിപ്പും നല്‍കി.