ആനകളെ വേട്ടയാടുന്നതിനെതിരെ സിനിമ, ഉപയോഗിക്കുന്നത് മൃഗങ്ങളുടെ തോലുകൊണ്ടുള്ള ആഡംബര ബാഗുകളും, ആലിയ ഭട്ടിനെതിരെ വിമര്‍ശനം

Alia bhatt

അടുത്തിടെ റിലീസായ സീരീസുകളില്‍ ഏറെ ചര്‍ച്ചയായ സീരീസായിരുന്നു ആലിയ ഭട്ടിന്റെ നിര്‍മാണത്തില്‍ കേരളത്തിലെ ആനകൊമ്പ് വേട്ടയുടെ കഥ പറഞ്ഞ പോച്ചര്‍ എന്ന പരമ്പര. നിമിഷ സജയനും റോഷന്‍ മാത്യുവുമായിരുന്നു പരമ്പരയിലെ പ്രധാനതാരങ്ങള്‍. ആനകള്‍ക്കെതിരായ ക്രൂരതയെ പറ്റിയുള്ള പരമ്പര നിര്‍മിക്കുന്ന ആലിയ ഭട്ട് അടുത്തിടെ ആഡംബര ബാഗുമായി പൊതുവേദിയിലെത്തിയതാണ് ഇപ്പോള്‍ വിമര്‍ശനങ്ങള്‍ക്ക് ഇടയാക്കിയിരിക്കുന്നത്.

മൃഗസംരക്ഷണത്തിനായി സംസാരിക്കുകയും എന്നാല്‍ മൃഗത്തോലുകൊണ്ട് നിര്‍മിച്ച ബാഗുകള്‍ ഉപയോഗിക്കുകയും ചെയ്യുന്നത് ഇരട്ടത്താപ്പാണെന്ന് സമൂഹമാധ്യമങ്ങളില്‍ താരത്തെ വിമര്‍ശിക്കുന്നവര്‍ പറയുന്നു. പശുക്കുട്ടിയുടെ തുകല്‍ കൊണ്ട് നിര്‍മിച്ച ആലിയ ഭട്ട് ഉപയോഗിച്ച ബാഗിന് വിലയായി വരുന്നത് 2.3 ലക്ഷം രൂപയാണ്. മൃഗത്തെ കൊല്ലുന്നതിനെതിരെ സിനിമ ചെയ്യുകയും എന്നാല്‍ സ്വന്തം ജീവിതത്തില്‍ അതെല്ലാം കാറ്റില്‍ പറത്തി മൃഗവേട്ടയെ പ്രോത്സാഹിപ്പിക്കുകയാണ് ആലിയ ചെയ്യുന്നതെന്നുമാണ് സമൂഹമാധ്യമങ്ങളില്‍ നിന്നുള്ള വിമര്‍ശനം.