Nimisha Sajayan Alia Bhatt
തന്നെ അത്ഭുതപ്പെടുത്തിയ നടിയാണ് നിമിഷ സജയനെന്ന് ആലിയ ഭട്ട്. നിമിഷ അഭിനയിച്ച പുതിയ വെബ് സീരീസ് ആമസോണ്‍ പ്രൈം വീഡിയോയിലൂടെ പുറത്തിറങ്ങിയിരുന്നു.'പോച്ചറി'ലെ നിമിഷയുടെ പ്രകടനമാണ് ആലിയ ഭട്ടിനെ ആകര്‍ഷിച്ചത്. എമ്മി പുരസ്‌കാര ജേതാവ് റിച്ചി മേത്ത സംവിധാനം ചെയ്യുന്ന പോച്ചര്‍ കേരളത്തിലെ ആന വേട്ടയും ഇതുമായി ബന്ധപ്പെട്ട് നടന്ന കുറ്റകൃത്യങ്ങളും പ്രണയമാക്കുന്ന സീരിയസാണ്.
നിമിഷ സജയന്‍ സീരീസില്‍ പ്രധാന കഥാപാത്രത്തെ അവതരിപ്പിക്കുന്നു.
'എന്റെ എക്കാലത്തെയും പ്രിയപ്പെട്ട അഭിനേതാവായി മാറിയിരിക്കുകയാണ് നിമിഷ സജയന്‍. പ്രത്യേകിച്ച് സീരീസിലെ ക്ലൈമാക്‌സ് ഷോട്ടില്‍, എന്തൊക്കെ വികാരങ്ങള്‍ ആവശ്യമായോ അതെല്ലാം നിമിഷ കൊണ്ടുവന്നു. എന്റെ കണ്ണു നിറഞ്ഞു പോയി. നിമിഷയുടെ പ്രകടനം അത്ഭുതപ്പെടുത്തി',-എന്നാണ് ആലിയ ഭട്ട് ഒരു അഭിമുഖത്തിനിടയില്‍ പറഞ്ഞത്.
റോഷന്‍ മാത്യു, ദിബ്യേന്ദു ഭട്ടാചാര്യ,കനി കുസൃതി, അങ്കിത് മാധവ്, രഞ്ജിത മേനോന്‍, മാല പാര്‍വ്വതി തുടങ്ങിയവരാണ് ഈ ഇന്‍വെസ്റ്റിഗേറ്റീവ് ക്രൈം ത്രില്ലര്‍ സീരീസില്‍ അഭിനയിച്ചത്.
ഇന്ത്യന്‍ ചരിത്രത്തിലെ തന്നെ ഏറ്റവും വലിയ ആനക്കൊമ്പ് വേട്ടയുടെ കഥയാണ് ഈ സീരിയലിലൂടെ റിച്ചി മേത്ത പ്രേക്ഷകരോട് പറയുന്നത്.
