"ബിജെപി നമ്മുടെ ദുഷിച്ച വ്യവസ്ഥയെ നന്നാക്കുന്നവർ, നിങ്ങൾ മുസ്ലീങ്ങളെ പ്രകോപിപ്പിക്കുന്നു"- പാ രഞ്ജിത്തിനെതിരെ വിമർശനവുമായി ഗായത്രി രഘുറാം

ഡൽഹി കലാപത്തിൽ കേന്ദ്ര സർക്കാരിനെതിരെ നിലപാടുമായി രംഗത്തെത്തിയ സംവിധായകൻ പാ രഞ്ജിത്തിനെതിരെ രൂക്ഷ വിമർശനവുമായി നടി ഗായത്രി രഘുറാം. ബിജെപി സർക്കാർ ഇന്ത്യയിലും തമിഴ്നാട്ടിലും മതമൗലികവാദം പടർത്താൻ ശ്രമിക്കുകയാണെന്നും എല്ലാവരും ഇത്തരം ഫാസിസ്റ്റുകളെ എതിർക്കണമെന്നും ഡൽഹി കലാപത്തിന്റെ പശ്ചാത്തലത്തിൽ പാ രഞ്ജിത്ത് ട്വീറ്റ് ചെയ്‌തിരുന്നു. ഇതിനെതിരെയാണ് ഗായത്രിയുടെ വിമർശനം.

ഗായത്രിയുടെ ട്വീറ്റ് പുറത്തുവന്നതോടെ ട്വീറ്റിനെതിരെയുള്ള പ്രതിഷേധങ്ങളും സമൂഹമാധ്യമങ്ങളിൽ വ്യാപകമായിരിക്കുകയാണ്. പെരിയാറിനെ വിമർശിക്കാൻ മാത്രം എന്ത് മഹത്വമാണ് ഗായത്രിക്കുള്ളതെന്നാണ് വിമർശകരുടെ ചോദ്യം.