സംവിധായകന്‍ വിനോദ് ഗുരുവായൂര്‍ 'മൂര്‍ഖന്‍' എന്ന സിനിമ കണ്ട അനുഭവം മുമ്പും പങ്കുവെച്ചിട്ടുണ്ട്.ജോഷിയുടെ കരിയറിലെ സൂപ്പര്‍ ഹിറ്റായി മാറിയ സിനിമ പിറന്നിട്ട് 42 വര്‍ഷം.പാവറട്ടി പെരുവല്ലൂര്‍ അമ്പാടി ടാക്കിസ്, അവിടെ ടിക്കറ്റ് കൌണ്ടറിലേക്ക് ഇടിച്ചു കയറി ടിക്കറ്റ് എടുത്തതും.. ജോഷി എന്ന പേര് കാണിച്ചപ്പോള്‍ തിയേറ്ററില്‍ വന്ന കരാഘോഷവും ഇന്നും കാതില്‍ മുഴങ്ങുന്നുവെന്ന് വിനോദ് ഗുരുവായൂര്‍ പറഞ്ഞിരുന്നു.
വിനോദ് ഗുരുവായൂരിന്റെ വാക്കുകള്‍
ആദ്യ സിനിമകള്‍ പരാജയമായപ്പോള്‍ ഭാഗ്യമില്ലാത്ത സംവിധായകനാക്കി... ഒരിക്കലും സിനിമ യില്‍ രക്ഷപ്പെടില്ല എന്ന് പറഞ്ഞു തിരിച്ചയച്ചു, സിനിമയിലെ പലരും.. പക്ഷെ തളര്‍ന്നില്ല. 42 വര്‍ഷങ്ങള്‍ക്കു മുന്‍പ് വെള്ളി വെളിച്ചത്തിലേക്കു പ്രകാശമായി വന്നു... പിന്നെ തിരിഞ്ഞു നോക്കിയിട്ടില്ല. മാസ്റ്റര്‍ ഡയറക്ടര്‍ ജോഷി സര്‍ അദ്ദേഹത്തിന്റെ ആദ്യ സൂപ്പര്‍ ഹിറ്റ് നല്‍കിയിട്ടു 42 വര്‍ഷം.... പിന്നീട് പല സ്റ്റാറുകളെയും സൂപ്പര്‍സ്റ്റാറുകളാക്കി, ഒപ്പം ഒരു വലിയ ജനക്കൂട്ടത്തെ തീയേറ്ററുകളിലെത്തിച്ചു.. ത്രില്ലടിപ്പിച്ചു... ഇന്നും സിനിമ മാത്രം ജീവവായുവായി ജീവിക്കുന്ന ക്രാഫ്റ്റ് മാന്‍. ഇദ്ദേഹത്തിന്റെ പല ജീവിതകഥകളും നമുക്ക് നല്‍കുന്ന എനര്‍ജി, കൂടെ നില്‍ക്കുന്ന ഓരോരുത്തര്‍ക്കും നല്‍കുന്ന പ്രോത്സാഹനം, അതൊരു വലിയ ഭാഗ്യമാണ്. 42 വര്‍ഷം സൂപ്പര്‍ ഹിറ്റുകള്‍ നല്‍കിയ സംവിധായകന്റെ ആദ്യ ഹിറ്റിനു 42 വര്‍ഷം
