ഇപ്പോഴും താന്‍ ബോഡി ഷെയിമിംഗ് നേരിടേണ്ടി വരുന്നുണ്ടെന്ന് നടി മഞ്ജു പത്രോസ്. നിറത്തിന്റെയും വണ്ണത്തിന്റെയും പേരിലുള്ള കളിയാക്കലുകള്‍ ഇപ്പോഴുമുണ്ടെന്നാണ് താരം പറയുന്നത്.നിറത്തിലും വണ്ണത്തിലും ഒരു കാര്യവുമില്ലെന്ന് തെളിയിക്കേണ്ടത് തന്റെ ഉത്തരവാദിത്തമാണെന്നും മഞ്ജു പറയുന്നു.
'സ്റ്റേറ്റ് അവാര്‍ഡ് കിട്ടിയതിന് ശേഷവും ഞാന്‍ ഒരുപാട് ബോഡി ഷെയിമിംഗ് അനുഭവിച്ചിട്ടുണ്ട്. എന്നെ കുറിച്ച് മോശമായി പലരും ഇങ്ങോട്ട് വന്ന് സംസാരിച്ചിട്ടുണ്ട്. കൂടെ വര്‍ക്ക് ചെയ്യുന്നവര്‍ പോലും കളറിന്റെയും വണ്ണത്തിന്റെയും പേരില്‍ കളിയാക്കും'.
തനിക്ക് ഭയങ്കര അഹങ്കാരവും ജാഡയുമാണെന്നാണ് പലരും ചിന്തിച്ച് വച്ചിരിക്കുന്നത്. പക്ഷേ താന്‍ വെറും പാവമാണ്. നിറത്തിലും വണ്ണത്തിലും ഒരു കാര്യവുമില്ലെന്ന് തെളിയിക്കേണ്ടത് തന്റെ ഉത്തരവാദിത്തമാണ്. അതുകൊണ്ട് വിഷമിപ്പിക്കാന്‍ ആരെങ്കിലും വന്നാല്‍ അതിനും അപ്പുറം കടക്കാന്‍ പറ്റുമെന്ന് സ്വയം വിശ്വസിപ്പിക്കും',- മഞ്ജു പത്രോസ് പറഞ്ഞു.
