'പരാജയ സംവിധായകന്' എന്ന പേര് മാറ്റിയെടുക്കാന്‍ 'ജയിലര്‍' എന്ന ഒറ്റ സിനിമ കൊണ്ട് സംവിധായകന് നെല്‍സണ്‍ ദിലീപ് കുമാറിനായി. ഓഗസ്റ്റ് 9ന് പ്രദര്‍ശനത്തിനെത്തിയ സിനിമ മൗത്ത് പബ്ലിസിറ്റിയിലൂടെ ആളുകളെ കൂടുതല്‍ തിയറ്ററുകളില്‍ എത്തിച്ചു. 650 കോടിയാണ് ജയിലറിന്റെ അന്തിമ ബോക്‌സ് ഓഫീസ് കളക്ഷന്‍ എന്നാണ് വിവരം. ഇപ്പോഴിതാ ജയിലറിന് രണ്ടാം ഭാഗം ഒരുങ്ങുകയാണെന്നാണ് റിപ്പോര്‍ട്ടുകള്‍.
മാത്യുവും നരസിംഹയും മുത്തുവേല്‍ പാണ്ഡ്യനും ഒന്നിക്കുന്ന സിനിമയ്ക്കായി കാത്തിരിക്കുകയാണ് ആരാധകരും.ട്രേഡ് അനലിസ്റ്റ് ആയ മനോബാല വിജയബാലന്‍ ആണ് ഇക്കാര്യം അറിയിച്ചത്.
സിനിമയുടെ രണ്ടാം ഭാഗത്തിനായുള്ള അഡ്വാന്‍സ് തുക സംവിധായകന് നെല്‍സണിന് നിര്‍മാതാക്കള്‍ കൈമാറി. 55 കോടിയാണ് സംവിധായകന് അഡ്വാന്‍സായി നല്‍കിയത്. തലൈവര്‍ 170, തലൈവര്‍ 171 തുടങ്ങിയ സിനിമകള്‍ക്ക് ശേഷം ജയിലര്‍2 വരുമെന്നാണ് കേള്‍ക്കുന്നത്.അനിരുദ്ധ് തന്നെയാകും രണ്ടാം ഭാഗത്തിനും സംഗീതം ഒരുക്കുക.
