മമ്മൂട്ടി കമ്പനിയ്ക്ക് കീഴിൽ മമ്മൂട്ടിയും ജ്യോതികയും ഒന്നിക്കുന്നുവെന്ന വാർത്തകൾ ആവേശത്തോടെയാണ് സിനിമാലോകം ഏറ്റെടുത്തത്. ജിയോ ബേബി സംവിധാനം ചെയ്യുന്ന ചിത്രത്തിൻ്റെ ഷൂട്ടിങ് അടുത്തിടെയാണ് ആരംഭിച്ചത്. ഇപ്പോഴിതാ ടീമിനൊപ്പം ചേർന്നിരിക്കുകയാണ് ആരാധകരുടെ പ്രിയതാരമായ ജ്യോതിക.
നിർമാതാക്കളായ മമ്മൂട്ടി കമ്പനി തന്നെയാണ് ജ്യോതിക സെറ്റിൽ ജോയിൻ ചെയ്ത കാര്യം അറിയിച്ചത്. 12 വർഷങ്ങൾക്ക് ശേഷമാണ് ഒരു മലയാള ചിത്രത്തിൽ ജ്യോതിക അഭിനയിക്കുന്നത്. മമ്മൂട്ടിയും ജ്യോതികയും ഒപ്പം നിൽക്കുന്ന ചിത്രത്തിൻ്റെ ടൈറ്റിൽ പോസ്റ്ററിന് വൻ വരവേൽപ്പാണ് ലഭിച്ചിരുന്നത്. ലാലു അലക്സ്, മുത്തുമണി,ചിന്നു ചാന്ദിനി എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
