ബോളിവുഡ് സിനിമാ ലോകം കാത്തിരിക്കുന്ന വിവാഹമാണ് വിക്കി കൗശലിന്റേയും കത്രീന കൈഫിന്റേതും. കല്യാണ തീയതി അടുത്തിരിക്കെ താര വിവാഹത്തെക്കുറിച്ചുള്ള പുതിയ വിവരങ്ങളാണ് പുറത്തു വരുന്നത്.
അതിഥികളെ കാത്തിരിക്കുന്നത് വലിയ സര്‍പ്രൈസുകള്‍ ആയിരിക്കും എന്നാണ് പറയപ്പെടുന്നത്. രാജസ്ഥാനിലെ സവായ് മധോപൂരിലെ റിസോര്‍ട്ടാണ് വിവാഹ നടക്കുക എന്നാണ് വിവരം.
ഈ റിസോര്‍ട്ടിന് സമീപത്തായുള്ള രന്‍ത്തംബോര്‍ ദേശീയ ഉദ്യാനത്തില്‍ അതിഥികള്‍ക്കായി പ്രത്യേക കടുവ സഫാരിയുണ്ടാകുമെന്നാണ് പുതിയ റിപ്പോര്‍ട്ടുകള്‍.ഇതിനായുള്ള നിര്‍ദേശങ്ങള്‍ താരങ്ങള്‍ ഇവന്റ് മാനേജ്‌മെന്റ് ടീമിന് നല്‍കിയെന്നും ബോളിവുഡ് മാധ്യമങ്ങള്‍ റിപ്പോര്‍ട്ട് ചെയ്യുന്നു.
