ആരാധകർ ആകാംക്ഷയോടെ കാത്തിരിക്കുന്ന കന്നഡ ചിത്രം കെജിഎഫിന്റെ രണ്ടാം ഭാഗത്തിന്റെ റിലീസ് തീയതി പ്രഖ്യാപിച്ചു. 2021 ജൂലൈ 16ന് ചിത്രം തിയേറ്ററുകളിലെത്തും.
യാഷ് നായകനായെത്തിയ കെജിഎഫ് കന്നഡ സിനിമയിലെയും ഇന്ത്യൻ സിനിമയിലെയും തന്നെ ഏറ്റവും വലിയ വിജയചിത്രങ്ങളിൽ ഒന്നാണ്. ചിത്രത്തിന്റെ രണ്ടാം ഭാഗത്തിൽ പ്രധാന വില്ലനായി ബോളിവുഡ് താരം സഞ്ജയ് ദത്തും അഭിനയിക്കും.കോലാർ സ്വർണഖനിയുടെ പശ്ചാത്തലത്തിലുള്ള പിരിഡ് ഡ്രാമയാണ് കെ.ജി.എഫ്. 2018 ഡിസംബർ 21-നാണ് ചിത്രത്തിന്റെ ആദ്യഭാഗം പുറത്തിറങ്ങിയത്.
