15 വർഷത്തെ കാത്തിരിപ്പിനൊടുവിലാണ് ചിത്രയ്ക്ക് മകൾ നന്ദന ജനിച്ചത്.2002 ഡിസംബറിലായിരുന്നു കുട്ടിയുടെ ജനനം. ഇന്ന് നന്ദനയുടെ ജന്മദിനമാണ്. അവൾ ഈ ലോകത്ത് ഇല്ലെങ്കിലും അമ്മയായ ചിത്ര നന്ദനയ്ക്ക് പിറന്നാളാശംസകളുമായി എത്തി.
' നീ എന്റെ ഹൃദയത്തിൽ ഒരു ദ്വാരം ഇട്ടിരിക്കുന്നു, എനിക്ക് ഒരിക്കലും നികത്താൻ കഴിയില്ല. ഓരോ ദിവസം കഴിയുന്തോറും ഞാൻ നിന്നെ കൂടുതൽ മിസ് ചെയ്യുന്നു. ജന്മദിനാശംസകൾ നന്ദന' ,-ചിത്ര എഴുതി.
നന്ദനയെ ചിത്രയ്ക്ക് നഷ്ടപ്പെട്ടത് ഒരു വിഷു ദിനത്തിലായിരുന്നു.2011 ഏപ്രിൽ 14-ന് ദുബായിലെ എമിരേറ്റ്‌സ് ഹില്ലിലുള്ള നീന്തൽക്കുളത്തിൽ വീണുമരിക്കുകയായിരുന്നു നന്ദന.
1987 ലായിരുന്നു ചിത്രയുടെ വിവാഹം.എൻജിനിയറായ വിജയശങ്കറാണ് ചിത്രയുടെ ഭർത്താവ്. 15 വർഷങ്ങൾക്ക് ശേഷമാണ് ഇരുവർക്കും കുഞ്ഞ് ജനിച്ചത്.
