Bazooka Teaser: 'എട്ട് രണ്ട് പതിനാറിന്റെ പണി'; നമ്മള് ചെയ്യാത്ത റോളൊന്നും ഇല്ലെന്ന് മമ്മൂട്ടി, ബസൂക്ക ടീസര്‍
'നമ്മള് ചെയ്യാത്ത റോളൊന്നും ഇല്ല ഭായ്' എന്ന മമ്മൂട്ടി ഡയലോഗോടു കൂടിയാണ് ടീസര്‍ അവസാനിക്കുന്നത്
Bazooka Teaser: മമ്മൂട്ടി ചിത്രം ബസൂക്കയുടെ ടീസര്‍ റിലീസ് ചെയ്തു. സരിഗമ മലയാളം യുട്യൂബ് ചാനലിലൂടെയാണ് ടീസര്‍ പുറത്തുവിട്ടത്. സ്റ്റൈലിഷ് ലുക്കില്‍ മമ്മൂട്ടി പ്രത്യക്ഷപ്പെടുന്ന ടീസറില്‍ തെന്നിന്ത്യന്‍ സംവിധായകന്‍ ഗൗതം വാസുദേവ് മേനോനും ഉണ്ട്. മമ്മൂട്ടിക്കൊപ്പം നിര്‍ണായക വേഷത്തിലാണ് ഗൗതം വാസുദേവ് മേനോന്‍ ഈ ചിത്രത്തില്‍ അഭിനയിച്ചിരിക്കുന്നത്.
'നമ്മള് ചെയ്യാത്ത റോളൊന്നും ഇല്ല ഭായ്' എന്ന മമ്മൂട്ടി ഡയലോഗോടു കൂടിയാണ് ടീസര്‍ അവസാനിക്കുന്നത്. നവാഗതനായ ഡീനോ ഡെന്നീസ് സംവിധാനം ചെയ്യുന്ന ബസൂക്ക ഒരു ഗെയിം ത്രില്ലര്‍ ഴോണറില്‍ ഉള്‍പ്പെടുന്നതാണ്. 'നല്ലതും ചീത്തയും തമ്മിലുള്ള കളി' എന്ന പ്ലോട്ടിലൂടെയാണ് കഥ മുന്നോട്ടു പോകുന്നത്. ഡീനോ തന്നെയാണ് ചിത്രത്തിനായി തിരക്കഥ ഒരുക്കിയിരിക്കുന്നത്.
വിക്രം മെഹ്‌റ, സിദ്ധാര്‍ത്ഥ് ആനന്ദ് കുമാര്‍, ഡോള്‍വിന്‍ കുര്യാക്കോസ്, ജിനു വി എബ്രഹാം എന്നിവര്‍ ചേര്‍ന്നാണ് ബസൂക്ക നിര്‍മിച്ചിരിക്കുന്നത്. ക്യാമറ കൈകാര്യം ചെയ്തിരിക്കുന്നത് നിമിഷ് രവി. മിഥുന്‍ മുകുന്ദന്‍ ആണ് സംഗീതം. ഈ വര്‍ഷം തന്നെ ചിത്രം തിയറ്ററുകളിലെത്തും.
