മമ്മൂക്കയ്ക്ക് ചെറിയ ആരോഗ്യ പ്രശ്നം ഉണ്ട്, ട്രീറ്റ്മെന്റിലാണ്; ദിവസവും വിളിക്കുമെന്ന് ജോൺ ബ്രിട്ടാസ്

മമ്മൂട്ടി ഓകെ ആണെന്നും അദ്ദേഹവുമായി ദിവസവും സംസാരിക്കാറുണ്ടെന്നും പറയുകയാണ് ജോൺ ബ്രിട്ടാസ്.

നടൻ മമ്മൂട്ടിയുടെ ആരോഗ്യസ്ഥിതി സംബന്ധിച്ച് നിരവധി റിപ്പോർട്ടുകൾ പുറത്തുവന്നിരുന്നു. ഇത്തിൽ പലതും അഭ്യൂഹങ്ങൾ മാത്രമായിരുന്നു. ഇപ്പോഴിതാ, മമ്മൂട്ടിയുടെ ആരോഗ്യ സ്ഥിതിയെ കുറിച്ച് വ്യക്തമാക്കുകയാണ് രാജ്യസഭാ അംഗവും മാധ്യമ പ്രവർത്തകനുമായ ജോൺ ബ്രിട്ടാസ്. നടൻ മമ്മൂട്ടിയുമായി അടുത്ത സൗഹൃദം പങ്കുവെക്കുന്ന വ്യക്തിയാണ് അദ്ദേഹം. മമ്മൂട്ടി ഓകെ ആണെന്നും അദ്ദേഹവുമായി ദിവസവും സംസാരിക്കാറുണ്ടെന്നും പറയുകയാണ് ജോൺ ബ്രിട്ടാസ്. റിപ്പോർട്ടർ ടി വി യ്ക്ക് നൽകിയ അഭിമുഖത്തിലാണ് പ്രതികരണം.

'മമ്മൂട്ടിക്ക് ചെറിയ ആരോഗ്യ പ്രശ്നം ഉണ്ട്. അദ്ദേഹം ട്രീറ്റ്മെന്റിലാണ്. നമ്മൾ ഒരിക്കലും ഒരാളുടെ വ്യക്തിപരമായ കാര്യത്തിൽ ഇടപെടാറില്ല. അദ്ദേഹം ഓക്കേ ആണ്. കുറച്ചു മുന്നേ വരെ സംസാരിച്ചതേയുള്ളൂ. ഇപ്പോൾ കുറച്ചായി എല്ലാ ദിവസവും എല്ലാ കാര്യങ്ങളും ഞങ്ങൾ സംസാരിക്കാറുണ്ട്,' ജോൺ ബ്രിട്ടാസ് പറഞ്ഞു.

അതേസമയം, മമ്മൂട്ടിയുടേതായി അണിയറയിൽ ഒരുങ്ങുന്ന ചിത്രം കളങ്കാവൽ ആണ്. ജിതിൻ ജെ ജോസ് സംവിധാനം ചെയ്യുന്ന ചിത്രത്തിൽ നെഗറ്റീവ് വേഷത്തിലാണ് മമ്മൂട്ടി എത്തുന്നത്. വിനായകൻ ആണ് നായകൻ. റോഷാക്ക്, നൻപകൽ നേരത്ത് മയക്കം, കാതൽ, കണ്ണൂർ സ്ക്വാഡ്, ടർബോ, ഡൊമിനിക് ആൻഡ് ദി ലേഡീസ് പേഴ്‌സ് തുടങ്ങിയ ചിത്രങ്ങൾക്ക് ശേഷം മമ്മൂട്ടി കമ്പനിയുടെ ഏഴാമത്തെ പ്രൊഡക്ഷനാണ് പുതിയ ചിത്രം. മുജീബ് മജീദ് ആണ് സംഗീത സംവിധാനം. ഫൈസല്‍ അലി ഛായാഗ്രഹണം.