മലയാളം സിനിമയില്‍ ഏറ്റവും കൂടുതല്‍ ജനപ്രീതിയുള്ള നടിമാരുടെ ലിസ്റ്റാണ് പുറത്തു വന്നിരിക്കുന്നത്. ഓര്‍മാക്സ് മീഡിയ പുറത്തുവിട്ടിരുന്ന മെയ് മാസത്തെ പട്ടികയില്‍ വലിയ മാറ്റങ്ങളാണ് ഉണ്ടായിരിക്കുന്നത്. ഇതുവരെ മുന്നിലുണ്ടായിരുന്ന മഞ്ജു വാര്യര്‍ക്ക് ഒന്നാം സ്ഥാനം നഷ്ടമായി. യുവനടി മമിത ബൈജു പട്ടികയില്‍ ഒന്നാംസ്ഥാനത്തെത്തി എന്നതാണ് ശ്രദ്ധേയമായ കാര്യം.
വലിയ ഹിറ്റുകള്‍ സമ്മാനിക്കാന്‍ അടുത്തകാലത്ത് മഞ്ജു വാര്യര്‍ക്ക് ആയില്ല. അജിത്തിനൊപ്പമുള്ള തുനിവിന് ശേഷം മഞ്ജുവിന്റെ സിനിമകള്‍ ഒന്നും വന്നിട്ടില്ല. രജനികാന്തിനൊപ്പം വേട്ടയ്യന്‍ തുടങ്ങിയുള്ള സിനിമകള്‍ വരാനിരിക്കുന്നതിനാല്‍ മഞ്ജു ഒന്നാം സ്ഥാനം തിരിച്ചുപിടിക്കും എന്നാണ് പ്രതീക്ഷിക്കുന്നത്.പ്രേമലു എന്ന സിനിമയിലൂടെ മമിത ബൈജു ദക്ഷിണേന്ത്യയാകെ അറിയപ്പെടുന്ന നടിയായി മാറുകയും ചെയ്തു.ബോക്സോഫീസില്‍ നിന്ന് 130 കോടിയിലേറെയാണ് നേടിയത്.എസ്എസ് രാജമൗലി ഉള്‍പ്പെടെയുള്ള പ്രമുഖര്‍ നടിയെ അഭിനന്ദിച്ചിരുന്നു. ഇതോടെ നടിയുടെ താരം മൂല്യം ഉയര്‍ന്നു. മമിത പ്രതിഫലം വര്‍ദ്ധിപ്പിച്ചു എന്നാണ് കേള്‍ക്കുന്നത്.ഓര്‍മാക്സ് മീഡിയ പുറത്തുവിട്ടിരുന്ന ലിസ്റ്റില്‍ മൂന്നാം സ്ഥാനത്ത് ആരാണെന്ന് നോക്കാം.
ശോഭന മൂന്നാം സ്ഥാനം നിലനിര്‍ത്തി. മോഹന്‍ലാലിനൊപ്പമുള്ള 'എല്‍ 360' എന്ന സിനിമയുടെ പ്രഖ്യാപനമാണ് നടിക്ക് തുണയായത്. പ്രഭാസിന്റെ കല്‍ക്കിലും താരം അഭിനയിക്കുന്നുണ്ട്. നാലാം സ്ഥാനത്ത് അനശ്വര രാജന്‍.അഞ്ചാം സ്ഥാനത്ത് ഐശ്വര്യ ലക്ഷ്മിയാണ് ഉള്ളത്.
