മോഹന്‍ലാലിന് ജന്മദിനാശംസകള്‍ നേര്‍ന്ന് 'എലോണ്‍' ടീം. മോഹന്‍ലാലിനെ കേന്ദ്ര കഥാപാത്രമാക്കി ഷാജി കൈലാസ് സംവിധാനം ചെയ്യുന്ന ചിത്രമാണ് എലോണ്‍.
മോഹന്‍ലാലിന്റെ പിറന്നാള്‍ ദിവസമായ ഇന്ന് ചിത്രത്തിന്റെ ടീസര്‍ റിലീസ് ചെയ്തിരിക്കുകയാണ്. ഒരു മിനിറ്റില്‍ താഴെ ദൈര്‍ഘ്യമുള്ള ടീസറാണ് റിലീസ് ചെയ്തിരിക്കുന്നത്. 'യഥാര്‍ഥ നായകന്‍മാര്‍ എല്ലായ്‌പ്പോഴും തനിച്ചാണ്' എന്ന മോഹന്‍ലാലിന്റെ ഡയലോഗും ടീസറിലുണ്ട്.
കൂടുതല്‍ ചെറുപ്പക്കാരനായാണ് എലോണ്‍ ടീസറില്‍ മോഹന്‍ലാലിനെ കാണുന്നത്. മോഹന്‍ലാല്‍ അന്ധനാണോ എന്നാണ് ടീസര്‍ കണ്ട് ആരാധകര്‍ ചോദിക്കുന്നത്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് എലോണ്‍ നിര്‍മ്മിക്കുന്നത്. ചിത്രം ഒ.ടി.ടി. റിലീസ് ആണ്.
