മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന ട്വല്‍ത്ത് മാന്‍ ഒ.ടി.ടി. പ്ലാറ്റ്‌ഫോമായ ഹോട്ട്സ്റ്റാറില്‍ ഉടന്‍ റിലീസ് ചെയ്‌തേക്കുമെന്ന് സൂചന. സിനിമ തിയറ്റര്‍ റിലീസിനില്ലെന്ന് ഉറപ്പായി. ദൃശ്യം 2 വിന് ശേഷം ജീത്തു ജോസഫും മോഹന്‍ലാലും ഒന്നിക്കുന്ന സിനിമയാണ് ട്വല്‍ത്ത് മാന്‍. കഴിഞ്ഞ വര്‍ഷം ഓഗസ്റ്റിലാണ് സിനിമയുടെ ചിത്രീകരണം ആരംഭിച്ചത്. 24 മണിക്കൂറിനുള്ളില്‍ സംഭവിക്കുന്ന ഉദ്വേഗജനകമായ സംഭവങ്ങളാണ് സിനിമയുടെ പ്രമേയം. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മിക്കുന്നത്.
