അപ്പോൾ ഇതാണല്ലേ ജയിലർ 2 വിൽ തലൈവരുടെ ലുക്ക്? മുഹമ്മദ് റിയാസ് പങ്കുവെച്ച ഫോട്ടോ വൈറൽ

'നാൻ ഒരു തടവ സൊന്നാ, നൂറ് തടവ് സൊന്ന മാതിരി', എന്നാണ് മുഹമ്മദ് റിയാസ് ചിത്രത്തിന് ക്യാപ്‌ഷൻ നൽകിയിരിക്കുന്നത്.

കോഴിക്കോട് ആണ് നെൽസൺ സംവിധാനം ചെയ്യുന്ന ജയിലർ 2 വിന്റെ ചിത്രീകരണം നടക്കുന്നത്. ചിത്രീകരണത്തിനിടെ തമിഴ് താരം രജനികാന്തിനെ സന്ദർശിച്ച് പൊതുമരാമത്ത് ടൂറിസം മന്ത്രി പി എ മുഹമ്മദ് റിയാസ്. കോഴിക്കോട് ലൊക്കേഷനിൽ വെച്ചാണ് കൂടിക്കാഴ്ച. താരത്തിനൊപ്പമുള്ള ചിത്രം മന്ത്രി സമൂഹ മാധ്യമങ്ങളിൽ പങ്കുവെച്ചു. 'നാൻ ഒരു തടവ സൊന്നാ, നൂറ് തടവ് സൊന്ന മാതിരി', എന്നാണ് മുഹമ്മദ് റിയാസ് ചിത്രത്തിന് ക്യാപ്‌ഷൻ നൽകിയിരിക്കുന്നത്.

കഴിഞ്ഞ ദിവസമായിരുന്നു ജയിലർ 2 കോഴിക്കോട് ഷെഡ്യൂൾ ആരംഭിച്ചത്. ശനിയാഴ്ച്ച ബിസി റോഡിലുള്ള സുദർശൻ ബംഗ്ലാവിലാണ് സിനിമയുടെ കോഴിക്കോട് ഷെഡ്യൂൾ ആരംഭിച്ചത്. സിനിമയുടെ കേരളത്തിലെ പ്രധാന ലൊക്കേഷനുകളിൽ ഒന്നാണിത്. 20 ദിവസത്തെ ചിത്രീകരണമാണ് ഇവിടെ നടക്കുക. കോഴിക്കോട്ടെ മറ്റു ചില ലൊക്കേഷനുകളിലും ചിത്രീകരണമുണ്ടാകുമെന്ന സൂചനയുണ്ട്. 

View this post on Instagram

A post shared by pa_mohamedriyas (@pamuhammadriyas)

ചിത്രത്തിൽ മോഹൻലാൽ കാമിയോ റോൾ ചെയ്യുന്നുണ്ട്. ഒപ്പം, സുരാജ് വെഞ്ഞാറമൂട് ഒരു പ്രധാന വേഷത്തിൽ എത്തുന്നുണ്ടെന്ന് റിപ്പോർട്ടുകളുണ്ട്. കഴിഞ്ഞ ദിവസം സംവിധായകൻ നെൽസൺ, മോഹൻലാൽ-സത്യൻ അന്തിക്കാട് ടീമിന്റെ ഹൃദയപൂർവ്വം എന്ന സിനിമയുടെ സെറ്റിൽ എത്തിയിരുന്നു. ഇതിന്റെ ചിത്രങ്ങളും സമൂഹ മാധ്യമങ്ങളിൽ പ്രചരിക്കുന്നുണ്ട്. ജയിലർ 2ലെ മോഹൻലാലിന്റെ കഥാപാത്രം സംബന്ധിച്ച് ചർച്ചകൾ നടത്തുന്നതിനായാണ് നെൽസൺ ഹൃദയപൂർവ്വം സെറ്റിലെത്തിയത് എന്നാണ് സൂചന.