തെലുങ്കില്‍ ഒട്ടേറെ ആരാധകരുള്ള സൂപ്പര്‍ താരമാണ് നന്ദമൂരി ബാലകൃഷ്ണ. അമാനുഷികരായ നായകകഥാപാത്രങ്ങളെ അവതരിപ്പിക്കുന്ന താരം പലപ്പോഴും ട്രോളുകളിലും ഇടം പിടിക്കാറുണ്ട്. സ്‌ക്രീനില്‍ ബാലയ്യയ്ക്ക് ചെയ്യാനാകാത്ത കാര്യങ്ങള്‍ ഒന്നും തന്നെ ഇല്ലാ എന്നതാണ് ഇതിന് കാരണം. ഇപ്പോഴിതാ തെലുങ്ക് സൂപ്പര്‍ താരമായ ബാലകൃഷ്ണയുടെ മകനും സിനിമയിലേക്കെത്തുന്നുവെന്ന വാര്‍ത്തയാണ് പുറത്തുവരുന്നത്.
സോംബി റെഡ്ഡി,ഹനുമാന്‍ എന്നീ സിനിമകളിലൂടെ പ്രശസ്തനായ പ്രശാന്ത് വര്‍മ ഒരുക്കുന്ന സിനിമയിലൂടെയാകും നന്ദമൂരി ബാലകൃഷ്ണയുടെ മകന്റെ അരങ്ങേറ്റം. നന്ദമൂരി മോക്ഷഗ്‌ന്യ നായകനായി എത്തുന്ന സിനിമയും ഹനുമാന്‍ പോലെ പുരാതന ഇതിഹാസത്തെ അടിസ്ഥാനമാക്കിയാകും. സിനിമയ്ക്കായി നൃത്തം,സംഘടനം എന്നിവയില്‍ കഠിനമായ പരിശീലനത്തിലാണ് മോക്ഷഗ്‌ന്യ.
മോക്ഷഗ്‌ന്യയെ സിനിമയില്‍ അവതരിപ്പിക്കുക എന്നത് തനിക്ക് വലിയ ഉത്തരവാദിത്തവും ബഹുമതിയുമാണ് തരുന്നതെന്ന് സംവിധായകന്‍ പ്രശാന്ത് വര്‍മ പറയുന്നു. പ്രശാന്ത് വര്‍മയുടെ ഹനുമാന്‍ ഉള്‍പ്പെടുന്ന സിനിമാറ്റിക് യൂണിവേഴ്‌സിലെ പുതിയ സിനിമയാകും മോക്ഷാഗ്‌ന്യ നായകനാകുന്ന ചിത്രം.
