എം ടി വാസുദേവന്‍ നായരുടെ പത്ത് കഥകളെ ആസ്പദമാക്കി ഒരുങ്ങുന്ന ആന്തോളജിയില്‍ നിന്നും നെറ്റ്ഫ്ലിക്സ് പിന്മാറിയതായി റിപ്പോര്‍ട്ട്. ആന്തോളജിയിലെ ഒരു സിനിമ ഒരുക്കുന്ന മുന്‍നിര സംവിധായകന്‍ തന്നെയാണ് ഈ വിവരം സ്ഥിരീകരിച്ചത്. സരിഗാമയും നെറ്റ്ഫ്‌ലിക്‌സും ചേര്‍ന്നാണ് ആന്തോളജി നിര്‍മിച്ചിരുന്നത്. ആന്തോളജി ആദ്യം പ്ലാന്‍ ചെയ്തപ്പോള്‍ അതില്‍ വലിയ താരങ്ങള്‍ ഒന്നും ഉണ്ടായിരുന്നില്ല.
എന്നാല്‍ പിന്നീട് പ്രൊജക്ടിലേക്ക് മമ്മൂട്ടിയും മോഹന്‍ലാലും ഫഹദ് ഫാസിലും വന്നതോടെ ഇവരുടെ സെഗ്മന്റുകള്‍ക്ക് നിര്‍മാതാക്കളും നെറ്റ്ഫ്‌ലിക്‌സും ഉറപ്പിച്ചതിനേക്കാള്‍ ബജറ്റ് ഉയരുകയായിരുന്നു. ഇതോടെ പ്രൊജക്‌സ് മറ്റൊരു പ്ലാറ്റ്‌ഫോമിലേക്ക് മാറ്റാന്‍ സാരീഗമ തീരുമാനിച്ചെങ്കിലും നിര്‍മാണ തുകയ്ക്കനുസരിച്ച് ഒടിടി റൈറ്റ്‌സ് കിട്ടാതെ വന്നു. ഇതോടെയാണ് പ്രൊജക്ട് പാതിവഴിയിലായത്. പ്രിയദര്‍ശന്‍,രഞ്ജിത്,സന്തോഷ് ശിവന്‍,ജയരാജ്,രതീഷ് അമ്പാട്ട്,ശ്യാമപ്രസാദ്,മഹേഷ് നാരായണന്‍, അശ്വതി വി നായര്‍ എന്നിങ്ങനെ 8 സംവിധായകരാണ് ആന്തോളജിയിലെ ചിത്രങ്ങള്‍ സംവിധാനം ചെയ്യുന്നത്.
