പുതുവര്‍ഷം കുടുംബത്തിനൊപ്പം സിനിമ കണ്ട് ആസ്വദിക്കാന്‍ പുത്തന്‍ സിനിമകള്‍ ഒടിടി പ്ലാറ്റ്‌ഫോമുകളിലെത്തുന്നു. ഷൈന്‍ ടോം ചാക്കോ അഹാന ചിത്രമായ അടി, പായല്‍ രാജ്പുത് നായികയായെത്തിയ മംഗള്‍വാരം എന്നീ ചിത്രങ്ങള്‍ കഴിഞ്ഞയാഴ്ച റിലീസ് ചെയ്തിരുന്നു. ഡിസംബര് 29,30 തീയ്യതികളിലായി വേറെയും ചിത്രങ്ങള്‍ റിലീസ് കാത്തിരിപ്പുണ്ട്.
എ രഞ്ജിത് സിനിമ: ഡിസംബര് 29 നെറ്റ്ഫ്‌ളിക്‌സ്
ആസിഫ് അലിയെ നായകനാക്കി നിഷാന്ത് സാറ്റു സംവിധാനം ചെയ്ത സിനിമയില്‍ സൈജു കുറുപ്പ്,ആന്‍സണ്‍ പോള്‍,നമിതാ പ്രമോദ്,ജുവല്‍ മേരി എന്നിവര്‍ പ്രധാനവേഷങ്ങളില്‍ എത്തുന്നു. കുടുംബപശ്ചാത്തലത്തില്‍ ഒരു സൈക്കോളജിക്കല്‍ ത്രില്ലറയാണ് ചിത്രം ഒരുക്കിയിരിക്കുന്നത്.
അന്നപൂരണി: ഡിസംബര് 29: നെറ്റ്ഫ്‌ലിക്‌സ്
രാജാ റാണി എന്ന സിനിമയുടെ വന്‍ വിജയത്തിന് ശേഷം നയന്‍താരയും ജയും ഒരുമിച്ച ചിത്രത്തില്‍ ഷെഫായാണ് നയന്‍താര എത്തുന്നത്. കെ എസ് രവികുമാര്‍, സുരേഷ് ചക്രവര്‍ത്തി,ആരതി ദേശായി,കാര്‍ത്തിക് കുമാര്‍,റെഡിന്‍ തുടങ്ങിയവരും അഭിനയിച്ചിരിക്കുന്നു. നിലേഷ് കൃഷ്ണയാണ് ചിത്രത്തിന്റെ സംവിധാനം.
ട്വല്‍ത് ഫെയ്ല്‍: ഡിസംബര് 30: ഡിസ്‌നിപ്ലസ് ഹോട്ട്സ്റ്റാര്‍
വിക്രാന്ത് മാസി നായകനായെത്തിയ ബോളിവുഡിലെ സര്‍െ്രെപസ് ഹിറ്റായി മാറിയ ചിത്രം. വിധു വിനോദ് ചോപ്രയാണ് ചിത്രത്തിന്റെ സംവിധാനം. പന്ത്രണ്ടാം ക്ലാസില്‍ പരാജയപ്പെട്ട ഒരാള്‍ ഐഎഎസ് ഓഫീസറായി മാറുന്നതാണ് ചിത്രത്തിന്റെ കഥ.
പാര്‍ക്കിംഗ്: ഡിസംബര് 30: ഡിസ്‌നിപ്ലസ് ഹോട്ട്സ്റ്റാര്‍
ഹരീഷ് കല്യാണ്‍,ഇന്ദുജ,എം എസ് ഭാസ്‌കര്‍ എന്നിവരെ പ്രധാന കഥാപാത്രങ്ങളാക്കി രാംകുമാര്‍ ബാലകൃഷ്ണന്‍ രചനയും സംവിധാനവും നിര്‍വഹിച്ച ചിത്രം ബോക്‌സോഫീസിലും വിജയമായിരുന്നു.
