സോഷ്യല്‍ മീഡിയയില്‍ ചര്‍ച്ചയായി പൂര്‍ണിമ ഇന്ദ്രജിത്തിന്റെ പുത്തന്‍ലുക്ക്. രാജീവ് രവി ചിത്രം തുറമുഖത്തില്‍ പ്രധാനപ്പെട്ട ഒരു വേഷമാണ് പൂര്‍ണിമയ്ക്കുള്ളത്. ഈ കഥാപാത്രത്തിന്റെ ലുക്ക് കണ്ട് ഞെട്ടിയിരിക്കുകയാണ് ആരാധകര്‍. കഴിഞ്ഞ ദിവസമാണ് തുറമുഖത്തിന്റെ ടീസര്‍ റിലീസ് ചെയ്തത്. ഉമ്മയുടെ വേഷത്തിലാണ് പൂര്‍ണിമ ഈ ചിത്രത്തിലെത്തുന്നത്. ഒറ്റനോട്ടത്തില്‍ നടി സ്രിന്റയെ പോലെ തോന്നിയെന്നാണ് പൂര്‍ണിമയുടെ ലുക്ക് കണ്ട് ആരാധകര്‍ പറയുന്നത്. ഇതുമായി ബന്ധപ്പെട്ട് ചില ട്രോളുകളും ഇറങ്ങിയിട്ടുണ്ട്.
പൂര്‍ണിമയ്‌ക്കൊപ്പം ഭര്‍ത്താവ് ഇന്ദ്രജിത്തും തുറമുഖത്തില്‍ പ്രധാന വേഷത്തിലെത്തുന്നു. നിവിന്‍ പോളിയാണ് തുറമുഖത്തില്‍ നായകവേഷത്തിലെത്തുന്നത്. സിനിമയുടെ ടീസര്‍ ഇതിനോടകം സോഷ്യല്‍ മീഡിയയില്‍ വൈറലായി.
