യുവതാരങ്ങളില്‍ ശ്രദ്ധേയനാണ് സണ്ണി വെയ്ന്‍. ചതുര്‍മുഖം, അനുഗ്രഹീതന്‍ ആന്റണി എന്നീ ചിത്രങ്ങളുടെ വിജയം നടന്‍ അടുത്തിടെയാണ് ആഘോഷമാക്കിയത്. കൈനിറയെ ചിത്രങ്ങളുള്ള താരം അതിഥി വേഷങ്ങളിലെത്തിയും കയ്യടി വാങ്ങിയിട്ടുണ്ട്. ജൂണില്‍ ഏതാനും സീനുകള്‍ മാത്രമേ സണ്ണി അഭിനയിച്ചിട്ടുള്ളൂവെങ്കിലും ആ കഥാപാത്രം പ്രേക്ഷകര്‍ ഏറ്റെടുത്തിരുന്നു.ഈ സിനിമയിലേക്ക് എങ്ങനെയാണ് എത്തിയതെന്ന് തുറന്നു പറയുകയാണ് നടന്‍.
വളരെ പെട്ടെന്നായിരുന്നു ജൂണിലേക്കുളള ക്ഷണം ലഭിച്ചത്.വിജയ് ബാബു എനിക്ക് തന്ന സമ്മാനമാണ് ആ സിനിമ. കഥ കേട്ടപ്പോള്‍ തന്നെ തനിക്ക് ഇഷ്ടമായെന്ന് സണ്ണി വെയ്ന്‍ പറഞ്ഞു.ചെറുതാണെങ്കിലും ആഴമുള്ള കഥാപാത്രമായിരുന്നു അത്. നടന്‍ ഓര്‍ത്തെടുത്തു.
