താന്‍ നേരിട്ട ബോഡി ഷെയ്മിങ്ങിനെ കുറിച്ച് വിവരിച്ച് ഫാമിലി മാന്‍ വെബ് സീരിസ് താരം പ്രിയാമണി. പല തവണ താന്‍ ബോഡി ഷെയ്മിങ്ങിന് ഇരയായിട്ടുണ്ടെന്ന് പ്രിയാമണി പറഞ്ഞു.
'എന്റെ ശരീരഭാരം കൂടിയ സമയം. ഞാന്‍ അന്ന് 65 കിലോ ഉണ്ടായിരുന്നു. ഇപ്പോള്‍ കാണുന്ന പോലെയല്ല. കൂടുതല്‍ തടിച്ചിട്ടായിരുന്നു. ആ സമയത്ത് നിരവധി പേര്‍ എന്നെ പരിഹസിച്ചിരുന്നു. 'നിങ്ങള്‍ തടിച്ചിട്ടാണല്ലോ, ശരീരം ഉണ്ടയായല്ലോ' എന്നൊക്കെ പലരും ചോദിച്ചു. എന്തിനാണ് ഇങ്ങനെ ബോഡി ഷെയ്മിങ് നടത്തുന്നത്? നിറത്തെ കുറിച്ചും ഞാന്‍ ഇത് കേട്ടിട്ടുണ്ട്. നിങ്ങള്‍ കറുത്തിട്ടാണല്ലോ, ഇരുണ്ട നിറമാണല്ലോ എന്നൊക്കെ പലരും ചോദിച്ചിട്ടുണ്ട്. അങ്ങനെ ആയതില്‍ എന്താണ് തെറ്റ് എന്ന് ഞാന്‍ അവരോട് ചോദിക്കാറുണ്ട്,' പ്രിയാമണി പറഞ്ഞു.
