നടന്‍ മാധവന്റെ 51-ാംജന്മദിനമാണ് ഇന്ന്. അദ്ദേഹത്തിന് ആശംസകളുമായി സുഹൃത്തുക്കളും ആരാധകരും രാവിലെ തന്നെ എത്തി. സോഷ്യല്‍ മീഡിയയിലൂടെ ആശംസാ പ്രവാഹമാണ് വന്നുകൊണ്ടിരിക്കുന്നത്. വെള്ളം സംവിധായകന്‍ പ്രജേഷ് സെന്‍ അദ്ദേഹത്തിന് ആശംസകള്‍ നേര്‍ന്നു കൊണ്ട് ഹൃദയസ്പര്‍ശിയായ കുറിപ്പും പങ്കുവെച്ചു.
'ഏറ്റവും മനോഹരമായ ജന്മദിനാഘോഷം എനിക്ക് സമ്മാനിച്ചയാള്‍, കഴിഞ്ഞ വര്‍ഷം സെര്‍ബിയയിലെ ബെല്‍ഗ്രേഡ് നഗരത്തില്‍, സംഗീതത്തിന്റെയും വീഞ്ഞിന്റെയും ഉല്ലാസത്തിന്റെയും സന്തോഷകരമായ ഒരു രാത്രി നല്‍കി എന്നെ അത്ഭുതപ്പെടുത്തിയ സഹോദരന്‍, എന്റെ ജന്മദിനം എല്ലാ അര്‍ത്ഥത്തിലും സംഭവബഹുലമാക്കിയ സുഹൃത്ത്.
തൊഴിലിനോടും സുഹൃത്തുക്കളോടും ഭ്രാന്തമായി സ്‌നേഹിക്കുന്നയാള്‍, അതിന്റെ പൂര്‍ണ്ണ അര്‍ത്ഥത്തില്‍ മാഡി എന്ന പേര് നിങ്ങള്‍ സ്വന്തമാക്കി. നിങ്ങളുമായി ജോലിചെയ്യുന്നതും 'റോക്കട്രി' പോലുള്ള ഒരു വലിയ ക്യാന്‍വാസിന്റെ ഭാഗമാകുന്നതും യഥാര്‍ത്ഥ സന്തോഷമായിരുന്നു. നിങ്ങളോടൊപ്പമുള്ള ഓരോ നിമിഷവും ഓര്‍മിക്കുന്നു പ്രിയപ്പെട്ട ആര്. മാധവന് ജന്മദിനാശംസകള്‍ നേരുന്നു'- പ്രജേഷ് സെന്‍ കുറിച്ചു.
