Publish Date: Mon, 26 Aug 2024 (16:18 IST)
Updated Date: Mon, 26 Aug 2024 (16:22 IST)
വ്യാഴാഴ്ചയോടെ ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെടാന് സാധ്യത. ഇതിന്റെ സ്വാധീനഫലമായി വ്യാഴാഴ്ച മുതല് വടക്കന് കേരളത്തില് ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. ജാഗ്രതയുടെ ഹാഗമായി വ്യാഴാഴ്ചയും വെള്ളിയാഴ്ചയും മലപ്പുറം,കോഴിക്കോട്,വയനാട്,കണ്ണൂര്,കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചു.
തിങ്കളാഴ്ച മുതല് ബുധനാഴ്ച വരെ കണ്ണൂര്,കാസര്കോട് ജില്ലകളിലെ ഒറ്റപ്പെട്ടയിടങ്ങളില് ശക്തമായ മഴയ്ക്കുള്ള സാധ്യതയുണ്ട്. ഇതിനെ തുടര്ന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. ഈ ദിവസങ്ങളില് മറ്റ് ജില്ലകളിലൊന്നും മഴ അലര്ട്ടുകളില്ല.
