നടൻ ശരത്ത് കുമാറിൻറെ അടുത്ത ചിത്രം ഒടിടി റിലീസ്. എഴുത്തുകാരി അർച്ചനയുടെ ‘ബേർഡ്സ് ഓഫ് പ്രേ’ എന്ന നോവലിനെ ആസ്പദമാക്കി നിർമ്മിക്കുന്ന അടുത്ത ചിത്രമാണ് ഒടിടി പ്ലാറ്റ്ഫോമുകളിൽ റിലീസ് ചെയ്യുക. ശരത് കുമാർ തന്നെയാണ് തൻറെ ജന്മദിനത്തിൽ ഈ പ്രഖ്യാപനം നടത്തിയത്. ‘ബേർഡ്സ് ഓഫ് പ്രേ’ നോവലിൻറെ പ്രകാശനം താരം തന്നെയാണ് നേരത്തെ നിര്‍വഹിച്ചത്.
“ശരത് കുമാർ സർ ഒരു പുതിയ എഴുത്തുകാരിയുടെ പുസ്തകം പുറത്തിറക്കുക മാത്രമല്ല, അത് സ്ക്രീനിൽ എത്തിക്കുകയും ചെയ്തു” - നോവലിസ്റ്റ് അർച്ചന ട്വിറ്ററിൽ എഴുതി.
അതേസമയം ചിത്രത്തെ കുറിച്ചുള്ള മറ്റ് വിവരങ്ങൾ ഒന്നും പ്രഖ്യാപിച്ചിട്ടില്ല. ചിത്രം റഡാൻ മീഡിയ വർക്ക്സിന്റെ ബാനറിൽ ശരത്കുമാറിന്റെ ഭാര്യ രാധികയാണ് നിർമിക്കുന്നതെന്നാണ് റിപ്പോർട്ടുകള്‍.
