സൗബിനും കെപിഎസി ലളിതയും അമ്മയും മകനുമായി അഭിനയിച്ച ചിത്രമാണ് ജിന്ന്.സിദ്ധാര്‍ഥ് ഭരതന്‍ സംവിധാനം ചെയ്യുന്ന ചിത്രത്തില്‍ ശാന്തി ബാലചന്ദ്രന്‍ നായികയായി എത്തുന്നു. ടീസര്‍ പുറത്തിറങ്ങി. ഇന്ന് കെപിസി ലളിതയുടെ ജന്മദിനം ആണെന്നും ഈ ശുഭദിനത്തില്‍ തന്നെ എന്റെ ജോലിയിലേക്ക് തിരിച്ചുവരാന്‍ താന്‍ തീരുമാനിച്ചെന്നും സിദ്ധാര്‍ത്ഥ് പറഞ്ഞു.
'ഇന്നലെ അമ്മയുടെ വിയോഗം കഴിഞ്ഞ് 16-ാം ദിവസമായിരുന്നു.. അത് ദുഃഖാചരണത്തിന്റെ ഔദ്യോഗിക അന്ത്യം കുറിക്കുന്നു.. ഇന്ന് അമ്മയുടെ ജന്മദിനമാണ്, അതിനാല്‍ ഈ ശുഭദിനത്തില്‍ തന്നെ എന്റെ ജോലിയിലേക്ക് തിരിച്ചുവരാന്‍ ഞാന്‍ തീരുമാനിച്ചു. എന്റെ അമ്മയുടെ ഈ വലിയ നഷ്ടത്തില്‍ എന്നെ സഹായിക്കാന്‍ സുഹൃത്തുക്കളെ നിങ്ങളുടെ പിന്തുണയും അനുഗ്രഹവും ആവശ്യമാണ്'- സിദ്ധാര്‍ത്ഥ് ഭരതന്‍ കുറിച്ചു.
