ഹരീഷ് കണാരന്‍ ആദ്യമായി നായകനായെത്തുന്ന ചിത്രമാണ് ഉല്ലാസപ്പൂത്തിരികള്‍.സൗബിന്‍ ഷാഹിറും പ്രധാന കഥാപാത്രത്തെ അവതരിപ്പിക്കുന്നു. നവാഗതനായ ബിജോയ് ജോസഫ് സംവിധാനം ചെയ്യുന്ന ചിത്രത്തില്‍ അജു വര്‍ഗീസ്, സലിംകുമാര്‍, ജോണി ആന്റണി, നിര്‍മ്മല്‍ പാലാഴി, സരയു , സീനത്ത് തുടങ്ങിയ താരങ്ങളും അണിനിരക്കുന്നു. സിനിമയ്ക്കും ഹരീഷ് കണാരനും ആശംസകളുമായി നടന്‍ വിഷ്ണു ഉണ്ണികൃഷ്ണന്‍.
'ഹരീഷേട്ടാ.... ഗംഭീരമാവട്ടെ
ഞങ്ങളുടെ പ്രിയ സുഹൃത്തും ഏട്ടനുമായ ഹരീഷ് കണാരന്‍ നായകനാകുന്ന ആദ്യ ചിത്രം 'ഉല്ലാസപ്പൂത്തിരികള്‍'
എല്ലാവരുടെയും സ്‌നേഹവും പ്രോത്സാഹനവും പ്രാര്‍ത്ഥനയും ഉണ്ടാവണം'-വിഷ്ണു ഉണ്ണികൃഷ്ണന്‍ കുറിച്ചു.
ബിജോയ് ജോസഫിന്റെ കഥയ്ക്ക് പോള്‍ വര്‍ഗീസ് തിരക്കഥയും സംഭാഷണവും ഒരുക്കുന്നു.ഉല്ലാസപ്പൂത്തിരികളില്‍ ജെമിനി സ്റ്റുഡിയോസാണ് അവതരിപ്പിക്കുന്നത്.
റിയാണോ റോസ് പ്രൊഡക്ഷന്‍സിന്റെ ബാനറില്‍ ജോണ്‍ കുടിയാന്‍മലയും ഹരീഷ് കണാരനും ചേര്‍ന്നാണ് ചിത്രം നിര്‍മ്മിക്കുന്നത്.
