സോഷ്യൽ മീഡിയയുടെ ഓഡിറ്റിങ്ങിന് എപ്പോഴും വിധേയ ആകുന്ന ആളാണ് ഗായിക അമൃത സുരേഷ്. മുൻ ഭർത്താവ് ബാല പലതവണ അമൃതയ്ക്കും അമൃതയുടെ കുടുംബത്തിനുമെതിരെ രംഗത്ത് വന്നിട്ടുണ്ട്. വിവാഹ മോചനം കഴിഞ്ഞ് വർഷങ്ങൾക്ക് ശേഷവും ഇവർ തമ്മിലുള്ള ആരോപണ പ്രത്യാരോപണങ്ങൾ സോഷ്യൽ മീഡിയയിൽ ശക്തമാണ്. വർഷങ്ങളായി ഇക്കാര്യം പറഞ്ഞ് ബാല സോഷ്യൽ മീഡിയയിൽ വീഡിയോകൾ ചെയ്യാറുണ്ട്. എന്നാൽ, അടുത്തിടെയാണ് അമൃത തന്റെ ഭാഗം ക്ലിയർ ചെയ്തത്. എന്നാൽ, ഇത് കൂടുതൽ സങ്കീർണതയിലേക്ക് നീങ്ങുകയായിരുന്നു.
തുടക്കം മുതൽ തന്നെ ബാലയ്ക്ക് ആളുകളുടെ ഭാഗത്ത് നിന്നും വലിയ തോതിൽ പിന്തുണ ലഭിച്ചിരുന്നു. എന്നാൽ പുതിയ സംഭവ വികാസങ്ങളുടെ പശ്ചാത്തലത്തിൽ ഇപ്പോൾ മറിച്ചാണ് അവസ്ഥ. താൻ എല്ലാം നിർത്തുകയാണെന്നും മകളുടെ വാക്കുകൾ ബഹുമാനിക്കുന്നുവെന്ന് വ്യക്തമാക്കി ബാല അവസാനമായി പങ്കുവെച്ച വീഡിയോയിൽ ബാലയ്ക്കുള്ള പിന്തുണ കുറഞ്ഞു എന്ന് വേണം മനസിലാക്കാൻ. അമൃതയെ പിന്തുണച്ചും ബാലയെ വിമർശിച്ചുമാണ് ഭൂരിഭാഗം ആളുകളും കമന്റ് ചെയ്യുന്നത്.
'ഒന്ന് നിർത്തടെ എല്ലാത്തിനും ഒരു പരിധി ഇല്ലേ ഇത് സോഷ്യൽ മീഡിയ ആണ് അല്ലാതെ ഫാമിലി കോർട്ട് അല്ല' എന്നാണ് ഷമീർ എന്നയാൾ കുറിക്കുന്നത്.
'ചോര ആയാൽ പോരാ മോളെ നന്നായി വളർത്തണം വെറുതെ ഒരു കുഞ്ഞു കൊച്ചിനെ ജന സമൂഹത്തിൽ വലിച്ചു കീറാൻ ഇട്ടു കൊടുത്തിരിക്കുന്നു. ഇതാണ് സ്നേഹം അല്ലെ. പാവം ഇനി എങ്കിലും അവര് ജീവിക്കട്ടെ' എന്നാണ് അജിത രവീന്ദ്രൻ എന്നയാൾ അഭിപ്രായപ്പെടുന്നത്.
'നിങ്ങളോട് കുറച്ചു ഇഷ്ടം ഉണ്ടായിരുന്നു. അത് പോയി കിട്ടി. നിന്റെ മൂന്നാമത്തെ ഭാര്യയായ എലിസബത്ത് എവിടെ. നിനക്ക് വേണ്ടി വെറുതെ പ്രാർത്ഥിച്ചു. സ്വന്തം മകളെ സ്നേഹിക്കാൻ പഠിക്കണം. നീ വെറും സൈക്കോ ആണ്.' എന്ന രീതിയിൽ അൽപം രൂക്ഷമായ രീതിയിലുള്ള വിമർശനമാണ് ജസ്നി കെ ജലീൽ എന്നയാൾ നടത്തുന്നത്.
'നീ വലിയ ആളാണ് എന്നറിയിക്കാൻ ചെറിയ സഹായം കൊടുത്താലും അത് ലൈവിൽ ഇടും. നീ ഭയങ്കര മഹാമനസ്കൻ. നിന്റെ മകൾക്ക് വേണ്ടി നീ എന്തെങ്കിലും ചെയ്തിട്ടുണ്ടോ. ഒരു ഗിഫ്റ്റ് പോലും ആ കൊച്ചിനെ അയച്ചു കൊടുത്തിട്ടില്ല. പാപ്പു പാപ്പു എന്ന് പറഞ്ഞുവലിയ വർത്താനം പറഞ്ഞിട്ട് ഒരു കാര്യവുമില്ല. സ്വന്തം മകളെ സ്നേഹിക്കാൻ പഠിക്കണം. അമൃത എങ്ങനെയുമായിക്കോട്ടെ അവൾ മകളെ നന്നായി നോക്കുന്നുണ്ട്. ആ കൊച്ച് ആ വീട്ടിലെ ഹാപ്പിയാണ്. ആ കൊച്ചിനെ ഇത്രയും വലിയ ആക്രമണത്തിന് വിട്ടു കൊടുത്തിട്ട് അച്ഛനാണ് പോലും - എന്നും ജസ്നി കൂട്ടിച്ചേർക്കുന്നു.
