രാജ്യത്ത് കൊവിഡ് രണ്ടാം തരംഗത്തിൽ ദിനം പ്രതി മരണങ്ങൾ കൂടി വരുന്നതിനിടെ കേന്ദ്ര സർക്കാരിന്റെ വീഴ്‌ച്ചയിൽ രൂക്ഷമായി പ്രതികരിച്ച് ബോളിവുഡ് താരം സ്വര ഭാസ്‌കർ.
ഈ സർക്കാരിനെ നരബലിയ്‌ക്ക് വിചാരണ ചെയ്യണമെന്നാണ് സ്വരയുടെ ട്വീറ്റ്. ഡല്‍ഹി, ഗുജറാത്ത്, മുംബൈ തുടങ്ങിയിടങ്ങളില്‍ കോവിഡ് അതിരൂക്ഷമായി പടരുന്ന സാഹചര്യത്തിലാണ് സ്വര ഭാസ്‌കറുടെ പ്രതികരണം. കഴിഞ്ഞ ദിവസം മാത്രം രാജ്യത്ത് 3,32,730 പേര്‍ക്കാണ് കോവിഡ്-19 സ്ഥിരീകരിച്ചത്. 2263 പേര്‍ കോവിഡ്-19 ബാധിച്ച് മരണപ്പെടുകയും ചെയ്‌തു.
