സിനിമാരംഗത്ത് വന്നിട്ട് 18 വര്‍ഷങ്ങളായെങ്കിലും സ്‌ക്രീനില്‍ ഇതുവരെയും ഒരു കിസ്സിങ് രംഗത്ത് കൂടെ അഭിനയിക്കാത്തെ നായികയാണ് തമന്ന ഭാട്ടിയ. ഗ്ലാമറസ് റോളുകളില്‍ പല തവണ താരം സ്‌ക്രീനില്‍ എത്തിയിരുന്നെങ്കിലും നോ കിസ്സിംഗ് പോളിസിയായിരുന്നു താരം പിന്തുടര്‍ന്നത്. എന്നാല്‍ അടുത്തിടെ ഈ നോ കിസ്സിംഗ് പോളിസിയില്‍ താരം മാറ്റം വരുത്തിയിരുന്നു. ലസ്റ്റ് സ്‌റ്റോറീസ് 2 എന്ന ആന്തോളജി ചിത്രത്തിലാണ് തമന്ന താന്‍ ദീര്‍ഘനാളായി പിന്തുടര്‍ന്ന നോ കിസ്സിംഗ് പോളിസിയില്‍ മാറ്റം വരുത്തിയത്.
അടുത്തിടെയാണ് താന്‍ ബോളിവുഡ് താരമായ വിജയ് വര്‍മ്മയുമായി പ്രണയത്തിലാണെന്ന് തമന്ന വെളിപ്പെടുത്തിയത്. ലസ്റ്റ് സ്‌റ്റോറീസില്‍ തമന്നയുടെ സഹതാരം കൂടിയാണ് വിജയ് വര്‍മ. ഇതാണ് ലസ്റ്റ് സ്‌റ്റോറീസില്‍ കാലങ്ങളായി താന്‍ പിന്തുടര്‍ന്ന രീതിയില്‍ മാറ്റം വരുത്താന്‍ തമന്നയെ പ്രേരിപ്പിച്ചതെന്നാണ് കരുതുന്നത്. ഈ മാസം 29നാണ് ലസ്റ്റ് സ്‌റ്റോറീസ് 2 റിലീസ് ചെയ്യുന്നത്. അമൃത സുഭാഷ്,അംഗദ് ബേദി,കജോള്‍,കുമുദ് മിശ്ര,മൃണാള്‍ ഠാക്കൂര്‍,നീന ഗുപ്ത,തിലോത്തമ ഷോമ എന്നിവരാണ് ലസ്റ്റ് സ്‌റ്റോറീസ് 2ല്‍ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
