സംവിധായകന്‍, നിര്‍മാതാവ്, ഗാനരചയിതാവ് എന്നീ നിലകളിലെല്ലാം കഴിവ് തെളിയിച്ച് മുഹ്‌സിന്‍ പരാരി വീണ്ടും സംവിധാന രംഗത്തേക്ക് തിരിച്ചെത്തുന്നു. 2015ല്‍ സംവിധാനം ചെയ്ത ഉണ്ണി മുകുന്ദന്‍ സിനിമയായ കെ എല്‍ 10ന് ശേഷം മുഹ്‌സിന്‍ മറ്റ് സിനിമകളൊന്നും സംവിധാനം ചെയ്തിരുന്നില്ല. ഇപ്പോഴിതാ നീണ്ട 10 വര്‍ഷങ്ങള്‍ക്ക് ശേഷം കരിയറിലെ രണ്ടാമത്തെ സിനിമ സംവിധാനം ചെയ്യാനൊരുങ്ങുകയാണ് മുഹ്‌സിന്‍ പരാരി. ടൊവിനോ തോമസാണ് സിനിമയില്‍ നായകനായെത്തുന്നത്.
ഈയടുത്ത് സോഷ്യല്‍ മീഡിയയില്‍ ട്രെന്‍ഡിങ്ങായി മാറിയ തന്ത വൈബ് എന്ന പേരാണ് മുഹ്‌സിന്‍ സിനിമയ്ക്കായി തിരെഞ്ഞെടുത്തിരിക്കുന്നത്. തന്ത വൈബ് ഹൈബ്രിഡ് എന്നാണ് സിനിമയുടെ പേര്. നിങ്ങളുടെ ഉള്ളിലെ കുട്ടിക്ക് എത്ര വയസായി എന്നാണ് ചിത്രത്തിന്റെ ടാഗ് ലൈന്‍. ആഷിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആഷിക് ഉസ്മാനാണ് സിനിമ നിര്‍മിക്കുന്നത്. ജിംഷി ഖാലിദ് ക്യാമറ കൈകാരം ചെയ്യുന്നു.
