സിജു വില്‍സണ്‍ നായകനായി എത്തിയ വരയന്‍ 25 ദിവസത്തില്‍ കൂടുതല്‍ തിയേറ്ററുകളില്‍ പ്രദര്‍ശിപ്പിച്ചിരുന്നു. ചെറിയ സിനിമയുടെ വലിയ വിജയം നടനെ ഏറെ സന്തോഷിപ്പിച്ചിരുന്നു. ഇപ്പോഴിതാ ചിത്രം ഒ.ടി.ടിയില്‍ സ്ട്രീമിംഗ് തുടരുന്ന വിവരം നിര്‍മ്മാതാക്കള്‍ പങ്കുവെച്ചു. ആമസോണ്‍ പ്രൈം വീഡിയോയില്‍ സിനിമ കാണാം.
ലിയോണ ലിഷോയ്, മണിയന്‍പിള്ള രാജു, വിജയരാഘവന്‍, ജോയ് മാത്യു, ബിന്ദു പണിക്കര്‍, ജയശങ്കര്‍, ജൂഡ് ആന്റണി, അരിസ്റ്റോ സുരേഷ്, ആദിനാഥ് ശശി, ഏഴുപുന്ന ബിജു, ഡാവിഞ്ചി എന്നിവരാണ് പ്രധാന വേഷങ്ങളില്‍ എത്തുന്നത്. നവാഗതനായ ജിജോ ജോസഫ് സംവിധാനം ചെയ്യുന്ന ചിത്രം സത്യം സിനിമാസ് നിര്‍മ്മിക്കുന്നു
