വിക്കി കൗശല്‍ നായകനായി എത്തിയ പുതിയ ചിത്രമാണ് സാം ബഹദുര്‍. സിനിമയ്ക്കായി വന്‍ മേയ്‌ക്കോവറിലാണ് നടന്‍ നടത്തിയത്. ഇന്ന് പ്രദര്‍ശനത്തിന് എത്തുന്ന ചിത്രത്തിനായി വിക്കി വാങ്ങിയ പ്രതിഫലത്തെ കുറിച്ചുള്ള വിവരങ്ങളാണ് പുറത്തുവന്നിരിക്കുന്നത്.
10 കോടിയോളം രൂപയാണ് സാം ബഹദുറില്‍ അഭിനയിക്കാനായി വിക്കി വാങ്ങിയത്. നായികയായി അഭിനയിച്ച സാന്യ മല്‍ഹോത്രയ്ക്ക് ലഭിച്ചത് ഒരു കോടി രൂപയും ആണെന്നാണ് വിവരം.സാം മനേക്ഷാ എന്ന കഥാപാത്രമായാണ് വിക്കി കൗശല്‍ അഭിനയിച്ചത്.ഇന്ത്യന്‍ കരസേനയുടെ ഫീല്‍ഡ് മാര്‍ഷലായ ആദ്യ ആളാണ് സാം മനേക്ഷാ.
1971 ലെ യുദ്ധത്തില്‍ പാക്കിസ്ഥാനെതിരെ ഇന്ത്യയ്ക്ക് വിജയം സമ്മാനിച്ചത്തില്‍ പ്രധാനിയാണ് മനേക് ഷാ.1973ല്‍ ഫീല്‍ഡ് മാര്‍ഷല്‍ ലഭിച്ചു. അദ്ദേഹത്തിന്റെ ജീവിതം സിനിമയാക്കുമ്പോള്‍ വലിയ പ്രതീക്ഷയിലാണ് സിനിമാലോകം.
സാന്യ മല്‍ഹോത്ര ആണ് നായിക.ഫാത്തിമ സന ഷെയ്ഖ് ഇന്ദിരാഗാന്ധിയായി വേഷമിടും.
ഫാത്തിമ സന ഷെയ്ക്ക്, ജസ്‌കരന്‍ സിംഗ് ഗാന്ധി, നീരജ് കബി, റിച്ചാര്‍ഡ്, എഡ്വാര്‍ഡ് രോഹന്‍ വര്‍മ, ജെഫ്രീ, രാജീവ്, എഡ് റോബിന്‍സണ്‍, റിച്ചാര്‍ഡ് മാഡിസണ്‍, അരവിന്ദ് കുമാര്‍, ബോബി അറോറ, അഷ്ടന്‍, ടഷി, നീരജ്, വികാസ് ഹൃത്, അലക്‌സാണ്ടര്‍ ബോബ്‌കോവ് തുടങ്ങിയ താരങ്ങള്‍ മറ്റു പ്രധാന വേഷങ്ങളില്‍ എത്തുന്നു.ശങ്കര്‍ മഹാദേവന്‍, ലോയ്, ഇഷാന്‍ ചേര്‍ന്നാണ് ചിത്രത്തിന് സംഗീതം ഒരുക്കുന്നത്.
