Vishnu vishal Nude Photoshoot: ട്രെൻഡ് അവസാനിക്കുന്നില്ല, രൺവീറിന് പിന്നാലെ നഗ്ന ഫോട്ടോഷൂട്ടുമായി വിഷ്ണു വിശാലും, ചിത്രം പകർത്തിയത് ജ്വാല ഗുട്ട

ട്രെൻഡിനൊപ്പം എന്ന് കുറിച്ചുകൊണ്ടാണ് വിഷ്ണു വിശാൽ തൻ്റെ നഗ്നചിത്രങ്ങൾ പങ്കുവെച്ചത്.

ബോളിവുഡ് താരം രൺവീർ സിങ്ങിൻ്റെ നേക്കഡ് ഫോട്ടോഷൂട്ട് സമൂഹമാധ്യമങ്ങളിൽ വലിയ ചർച്ചയായിരുന്നു. നഗ്നനായി താരം ചെയ്ത ഫോട്ടോഷൂട്ട് വിമർശനങ്ങൾക്കും അതേസമയം തന്നെ വലിയ പ്രശംസയ്ക്കും കാരണമായിരുന്നു. ഇപ്പോഴിതാ രൺവീർ ആരംഭിച്ച ട്രെൻഡ് ഏറ്റെടുത്തിരിക്കുകയാണ് തമിഴ് നടനായ വിഷ്ണു വിശാൽ. ഭാര്യയും ഇന്ത്യൻ ബാഡ്മിൻ്റൺ താരവുമായ ജ്വാല ഗുട്ടയാണ് വിഷ്ണുവിൻ്റെ ചിത്രങ്ങൾ പകർത്തിയത്.

View this post on Instagram

A post shared by Vishnu Vishal (@thevishnuvishal)

ട്രെൻഡിനൊപ്പം എന്ന് കുറിച്ചുകൊണ്ടാണ് വിഷ്ണു വിശാൽ തൻ്റെ നഗ്നചിത്രങ്ങൾ പങ്കുവെച്ചത്. ഭാര്യ ജ്വാല ഗുട്ടയാണ് തൻ്റെ ചിത്രങ്ങൾ പകർത്തിയതെന്നും താരം കുറിച്ചിട്ടുണ്ട്. നേരത്തെ പേപ്പർ മാഗസിന് വേണ്ടിയായിരുന്നു രൺവീർ ഫോട്ടോഷൂട്ട് നടത്തിയത്. ഈ ചിത്രങ്ങൾ വലിയ രീതിയിൽ ഇന്ത്യയാകെ ചർച്ചയായിരുന്നു.