ശാലിന്‍ സോയ ബാലതാരമായാണ് സിനിമയില്‍ എത്തിയത്.സിനിമയിലും സീരിയലുകളിലും ഒരുപോലെ തിളങ്ങിയ നടി സംവിധായക കൂടിയാണ്. കണ്ണകി എന്ന തമിഴ് ചിത്രത്തില്‍ ശാലിന്‍ മികച്ച പ്രകടനം കാഴ്ചവച്ച താരം നല്ല അവസരങ്ങള്‍ക്കായി കാത്തിരിക്കുകയാണ്. അതിനിടെയാണ് നടിയുടെ പ്രണയ വാര്‍ത്തകള്‍ പ്രത്യക്ഷപ്പെട്ടത്.ശാലിന്‍ സോയയുമായി തമിഴ് യൂട്യൂബര്‍ ടിടിഎഫ് വാസന് പ്രണയത്തിലാണ്. ഇരുവരും ഇക്കാര്യം സ്ഥിരീകരിച്ചതുമാണ്. ദിവസങ്ങള്‍ക്കു മുമ്പ് യൂട്യൂബ് വീഡിയോയിലൂടെയാണ് വാസന് ഇക്കാര്യം വെളിപ്പെടുത്തിയത്.ശാലിനൊപ്പമുള്ള ചിത്രങ്ങളും വീഡിയോകളും സോഷ്യല്‍ മീഡിയ പേജുകളിലും പങ്കുവെച്ചിട്ടുണ്ട്.
വാസനൊപ്പമുള്ള ചിത്രങ്ങളും ശാലിനും ഷെയര്‍ ചെയ്തിരുന്നു. അതിനിടെ പോലീസ് അറസ്റ്റ് ചെയ്ത വാസന് പൂര്‍ണ്ണ പിന്തുണയുമായി എത്തിയിരിക്കുകയാണ് ശാലിന്‍.ഫോണില്‍ സംസാരിച്ചുകൊണ്ട് അപകടകമാംവിധം കാര്‍ ഓടിച്ചതുള്‍പ്പെടെ ആറ് വകുപ്പുകള്‍ ചുമത്തിയാണ് കേസെടുത്തിരിക്കുന്നത്. ഇപ്പോഴിതാ വീണ്ടും ടിടിഎഫ് വാസന് വാര്‍ത്തകളില്‍ നിറയുകയാണ്. ആരാണ് വാസന് എന്നറിയാം.
40 ലക്ഷത്തോളം സബ്‌സ്‌ക്രൈബേഴ്‌സുള്ള യൂട്യൂബ് താരമാണ് ടിടിഎഫ് വാസന്. മുന്നിലെ ചക്രമുയര്‍ത്തിക്കൊണ്ട് സൂപ്പര്‍ ബൈക്കുകളില്‍ ദീര്‍ഘദൂരം സഞ്ചരിക്കുന്ന ഇയാളുടെ വീഡിയോകള്‍ സോഷ്യല്‍ മീഡിയയില്‍ വൈറലായി മാറിയിരുന്നു. അമിത വേഗത്തില്‍ അപകടകരമായ രീതിയില്‍ ബൈക്ക് ഓടിച്ചതിന് പത്തുവര്‍ഷത്തേക്ക് റ്റു വീലര്‍ ലൈസന്‍സ് തമിഴ്‌നാട് ആര്‍ടിഒ റദ്ദാക്കിയിരുന്നു. യൂട്യൂബിലുള്ള പ്രശസ്തി കാരണം സിനിമയിലേക്കും വാസന് അവസരം ലഭിച്ചു.
'മഞ്ചള്‍ വീരന്‍'എന്ന സിനിമയിലൂടെ നായകനായി ബിഗ് സ്‌ക്രീനില്‍ വാസന് എത്തും.
