കോലിയുടെ ഫോമിന് പിന്നിൽ ഒരേയൊരു കാരണമേയുള്ളു: ഡിവില്ലിയേഴ്സ്

ഇന്ത്യൻ പ്രീമിയർ ലീഗിൻ്റെ പതിനാറാം സീസണിൽ തകർപ്പൻ ഫോമിലാണ് ഇന്ത്യൻ സൂപ്പർ താരം വിരാട് കോലി. മുംബൈ ഇന്ത്യൻസിനെതിരെ നടന്ന ആദ്യമത്സരത്തിൽ 82 റൺസാണ് കോലി നേടിയത്. ഒന്നാം വിക്കറ്റിൽ ഫാഫ് ഡുപ്ലെസിക്കൊപ്പം 148 റൺസാണ് കോലി കൂട്ടിചേർത്തത്. കോലിയുടെ ഈ ഫോം ആർസിബി ആരാധകർക്ക് വലിയ പ്രതീക്ഷയാണ് നൽകുന്നത്. ഇപ്പോഴിതാ കോലിയുടെ ഫോമിന് പിന്നിലെ കാരണം വ്യക്തമാക്കിയിരിക്കുകയാണ് ആർസിബിയിൽ കോലിയുടെ സഹതാരമായിരുന്ന എ ബി ഡിവില്ലിയേഴ്സ്.

ക്യാപ്റ്റൻ സ്ഥാനം ഒഴിഞ്ഞതോടെ കോലി കളി കൂട്ടുതൽ ആസ്വദിക്കുന്നതായും ഇതാണ് കോലിയുടെ പ്രകടനത്തിൽ കാണുന്നതെന്നും ഡിവില്ലിയേഴ്സ് പറയുന്നു. ഏറെ ആസ്വദിച്ചാണ് കോലി കളിക്കുന്നത്. ഈ സീസണിൽ കോലിയുടെ ഏറ്റവും മികച്ച പ്രകടനം കാണാനാവുമെന്നാണ് ഞാൻ കരുതുന്നത്. വരുന്ന മത്സരങ്ങളിലും ഈ മികവ് കോലി പുലർത്തൂമെന്നാണ് കരുതുന്നത്. ഡിവില്ലിയേഴ്സ് പറഞ്ഞു.