സയ്യിദ് മുഷ്താഖ് അലി ടി20യില്‍ 28 പന്തില്‍ സെഞ്ചുറിയുമായി ഇന്ത്യന്‍ ഓപ്പണിംഗ് താരം അഭിഷേക് ശര്‍മ. രാജ്‌കോട്ടില്‍ മേഘാലയക്കെതിരായ മത്സരത്തിലാണ് പഞ്ചാബിന് അഭിഷേക് തകര്‍പ്പന്‍ പ്രകടനം നടത്തിയത്. പഞ്ചാബ് നായകന്‍ കൂടിയായ അഭിഷേക് ശര്‍മ 29 പന്തില്‍ 11 സിക്‌സും 8 ഫോറുമടക്കം 106 റണ്‍സാണ് നേടിയത്.
സയ്യിദ് മുഷ്താഖ് അലി ട്രോഫിയില്‍ ഈ വര്‍ഷം ത്രിപുരയ്‌ക്കെതിരെ 28 പന്തില്‍ ഗുജറാത്തിന്റെ ഉര്‍വില്‍ പട്ടേല്‍ സെഞ്ചുറി സ്വന്തമാക്കിയിരുന്നു. ഈ നേട്ടത്തിനൊപ്പമെത്താന്‍ ഇതോടെ അഭിഷേകിനായി. 2018ല്‍ ഹിമാചല്‍ പ്രദേശിനെതിരെ റിഷഭ് പന്ത് 32 പന്തില്‍ നേടിയ സെഞ്ചുറിയായിരുന്നു ഇന്ത്യക്കാരന്റെ ഏറ്റവും വേഗതയേറിയ സെഞ്ചുറി.അഭിഷേകിന്റെ ബാറ്റിംഗ് കരുത്തില്‍ മത്സരം പഞ്ചാബ് വിജയിക്കുകയും ചെയ്തു.
