നിലം തൊട്ടില്ല, പാകിസ്ഥാനെ പറപ്പിച്ച് ഓസ്ട്രേലിയ, ടി20 പരമ്പര തൂത്തുവാരി

Australia

പാകിസ്ഥാനെതിരെ 3 മത്സരങ്ങളടങ്ങിയ ടി20 പരമ്പര തൂത്തുവാരി ഓസ്‌ട്രേലിയ. അവസാന മത്സരത്തില്‍ 7 വിക്കറ്റിന്റെ അനായാസമായ വിജയമാണ് ഓസ്‌ട്രേലിയ സ്വന്തമാക്കിയത്. 27 പന്തില്‍ 5 സിക്‌സും 5 ഫോറുമായി 67 റണ്‍സോടെ തകര്‍ത്തടിച്ച മാര്‍ക്കസ് സ്റ്റോയ്‌നിസാണ് ഓസീസിന് വിജയം സമ്മാനിച്ചത്. ആരോണ്‍ ഹാര്‍ഡി ഓസീസിനായി 3 വിക്കറ്റുകളുമായി തിളങ്ങി.

അവസാന ടി20യില്‍ സ്റ്റോയ്‌നിസ് താരമായപ്പോള്‍ പേസര്‍ സ്‌പെന്‍സര്‍ ജോണ്‍സനാണ് പരമ്പരയിലെ താരം. ടോസ് നേടിയ പാകിസ്ഥാന്‍ ആദ്യം ബാറ്റിംഗ് തിരെഞ്ഞെടുക്കുകയായിരുന്നു. എന്നാല്‍ 41 റണ്‍സുമായി ബാബര്‍ അസം മാത്രമാണ് പാകിസ്ഥാന്‍ നിരയില്‍ തിളങ്ങിയത്. ഇതോടെ പാക് പോരാട്ടം 117 റണ്‍സില്‍ അവസാനിച്ചു. ഓസീസിനായി മാര്‍ക്കസ് സ്റ്റോയ്ന്‍സി തകര്‍ത്തടിച്ചതോടെ അനായാസമായി ഓസ്‌ട്രേലിയ വിജയത്തിലെത്തി. 24 പന്തില്‍ 27 റണ്‍സുമായി ജോഷ് ഇംഗ്ലീഷ് മികച്ച പിന്തുണയാണ് താരത്തിന് നല്‍കിയത്.