ഈ വർഷം അവസാനം ഓസ്ട്രേലിയൻ പര്യടനത്തിനൊരുങ്ങുന്ന ഇന്ത്യൻ ടീമിന് മുന്നറിയിപ്പുമായി മുൻ ഇന്ത്യൻ താരം രാഹുൽ ദ്രാവിഡ്. സ്മിത്തും വാർണറും തിരിച്ചെത്തിയതോടെ കരുത്തരായ ഓസീസിനെതിരായുള പോരാട്ടം ഇന്ത്യക്ക് കനത്ത വെല്ലുവിളി സൃഷ്ടിക്കുമെന്നാണ് ദ്രാവിഡ് പറയുന്നത്.
നിലവിൽ ഈ രണ്ട് താരങ്ങളും തിരിച്ചെത്തിയതോടെ ശക്തമാണ് ഓസീസ് ടീം.ലാബുഷാനെ കൂടിയെത്തിയപ്പോള്‍ ഓസ്‌ട്രേലിയന്‍ ടീം കൂടുതല്‍ ശക്തരായി. അതിനാല്‍ത്തന്നെ ഇന്ത്യക്ക് അനായാസമായൊരു ജയം സാധിക്കില്ല.കഴിഞ്ഞ തവണ ഓസീസ് മണ്ണിലേറ്റ തോൽവിക്ക് തിരിച്ചടി നൽകാനാവും ഓസീസ് ഇറങ്ങുക. എന്നാൽ അതേസമയം ഓസ്ട്രേലിയയെ അവരുടെ മണ്ണിൽ തോൽപ്പിക്കാൻ തക്ക കരുത്തുള്ള താരങ്ങൾ ഇന്ത്യക്കുണ്ടെന്നും ദ്രാവിഡ് കൂട്ടിചേർത്തു.
