നാഗ്പൂർ പിച്ചുമായി ബന്ധപ്പെട്ട് ഉയർന്നുവന്ന ചർച്ചയിൽ ഇന്ത്യക്കെതിരെ ആഞ്ഞടിച്ച് മുൻ ഓസീസ് നായകൻ റിക്കി പോണ്ടിംഗ്. ഓസീസിനെ തോൽപ്പിക്കാനുള്ള ഇന്ത്യക്കാരുടെ പ്രധാന ആയുധം സ്പിന്നിന് അനുകൂലമായി പിച്ചൊരുക്കലാണെന്നും ഓസ്ട്രേലിയയുടെ ഒരു സ്പിന്നർ തൻ്റെ ആദ്യ ടെസ്റ്റ് കൂടി കളിക്കുകയാണെന്ന് കണക്കിലെടുത്താണ് ഇന്ത്യ പിച്ചൊരുക്കിയിരിക്കുന്നതെന്നും പോണ്ടിംഗ് വിമർശിച്ചു.
ഓസ്ട്രേലിയ ഒരിക്കലും ഇത്തരത്തിലുള്ള പിച്ചുകൾ അതായത് അവർക്ക് ഗുണകരമായ രീതിയിൽ പിച്ചൊരുക്കാൻ പറയാറില്ല. അങ്ങനെ ആവശ്യപ്പെടുന്ന രീതി ഓസീസിന് വർഷങ്ങളായി ഇല്ല എന്നും എന്നാൽ ഇന്ത്യ വർഷങ്ങളായി സ്പിൻ കെണിയൊരുക്കിയാണ് എതിരാളികളെ കാത്തിരിക്കുന്നതെന്നും പോണ്ടിംഗ് പറഞ്ഞു.
