ഓസീസ് പര്യടനത്തിൽ ഇന്ത്യൻ ടീമിനെ ഐതിഹാസിക വിജയത്തിലേക്ക് നയിച്ച അജിങ്ക്യ രഹാനെയുടെ ക്യാപ്‌റ്റൻസി വിരാട് കോലിയിൽ സമ്റ്ദ്ദം സൃഷ്ടിക്കുന്നതായി മുൻ ഇംഗ്ലണ്ട് താരം ഡേവിഡ് ലോയ്‌ഡ്. കോലി അമിതമായ അപ്പീലിങ്ങിലൂടെ അമ്പയർമാരെ സ്വാധീനിക്കാൻ ശ്രമിക്കുന്നതായും ലോയിഡ് ഡെയിലിമെയിലിൽ കുറിച്ചു.
ചെന്നൈയിൽ നടക്കുന്ന ഇംഗ്ലണ്ടിനെതിരായ ഒന്നാം ടെസ്റ്റില്‍ പരാജയത്തെ അഭിമുഖീകരിച്ചു കൊണ്ടിരിക്കുകയാണ് ഇന്ത്യ. 420 റൺസ് വിജയലക്ഷ്യം പിന്തുടർന്ന ഇന്ത്യ ഒടുവിൽ വിവരം കിട്ടുമ്പോൾ 7 വിക്കറ്റ് നഷ്ടത്തിൽ 175 റൺസെന്ന നിലയിലാണ്. 68 റൺസുമായി നായകൻ വിരാട് കോലിയും റൺസൊന്നുമെടുക്കാതെ ഷഹബാസ് നദീമുമാണ് ക്രീസിൽ.
