‘ക്രിക്കറ്റിലെ ക്രിസ്റ്റ്യാനോ റൊണാള്‍ഡോ ഈ ഇന്ത്യന്‍ താരം’; അത്ഭുതപ്പെടുത്തുന്ന വാക്കുകളുമായി ബ്രാവോ
‘ക്രിക്കറ്റിലെ ക്രിസ്റ്റ്യാനോ റൊണാള്‍ഡോ ഈ ഇന്ത്യന്‍ താരം’; അത്ഭുതപ്പെടുത്തുന്ന വാക്കുകളുമായി ബ്രാവോ
ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലിയെ റയല്‍ മാഡ്രിഡ് സൂപ്പര്‍ താരം ക്രിസ്റ്റ്യാനോ റൊണാള്‍ഡോയുമായി താരതമ്യം ചെയ്‌ത് ചെന്നൈ സൂപ്പര്‍ കിംഗ്‌സ് താരം ഡ്വെയ്ന്‍ ബ്രാവോ.
“ ഞാന്‍ കോഹ്‌ലിയെ വര്‍ഷങ്ങളായി ശ്രദ്ധിക്കാറുണ്ട്. എന്റെ അനിയന്‍ ഡാരനുമൊപ്പം അണ്ടര്‍ 19 മത്സരങ്ങള്‍ കളിച്ചാണ് വിരാടും ക്രിക്കറ്റ് ലോകത്തെ അറിയപ്പെടുന്ന താരമായത്. അന്നത്തെ മത്സരങ്ങള്‍ കാണുമ്പോള്‍ ഞാന്‍ ഡാരനോട് പറയും, നീ കോഹ്‌ലിയെ കണ്ടു പഠിക്കണം. അദ്ദേഹം മികച്ച ക്രിക്കറ്റ് താരമായി മാറുമെന്ന്” - എന്നും ബ്രാവോ പറഞ്ഞു.
കോഹ്‌ലിയുടെ പ്രതിഭ എന്നും എന്നെ അത്ഭുതപ്പെടുത്താറുണ്ട്. അതിപ്പോള്‍ വെസ്‌റ്റ് ഇന്‍ഡീസിനെതിരെ ആയാലും ചെന്നൈയ്‌ക്ക് എതിരെ ആയാലും ശരി വിരാടില്‍ നിന്നും നമുക്ക് തകര്‍പ്പന്‍ പ്രകടനം തിരിച്ചറിയാന്‍ കഴിയും. അദ്ദേഹം കളിക്കാന്‍ ഇറങ്ങുമ്പോള്‍ പോര്‍ച്ചുഗലിന്റെ ക്രിസ്റ്റ്യാനോയെ ആണ് തനിക്ക് ഓര്‍മ്മ വരുന്നതെന്നും ബ്രാവോ കൂട്ടിച്ചേര്‍ത്തു.
