ഒടുവില്‍ ആ പ്രണയം സഫലമായി...; സഹീര്‍ ഖാന്റെയും സാഗരികയുടെയും വിവാഹം കഴിഞ്ഞു
സഹീര്‍ ഖാന്റെയും സാഗരികയുടെയും വിവാഹം കഴിഞ്ഞു
മുന്‍ ഇന്ത്യന്‍ ക്രിക്കറ്റ് താരം സഹീര്‍ ഖാന്‍ വിവാഹിതനായി. സഹീര്‍ ഖാന്റെയും സാഗരികയുടെയും വിവാഹ ചടങ്ങുകള്‍ ആര്‍ഭാടപൂര്‍വ്വം നടന്നു. ഇന്ന് വൈകുന്നേരം മുംബൈയിലെ താജ് മഹൽ പാലസിലാണ് സഹീർ ഖാന്റെയും സാഗരികയുടെ വിവാഹ റിസപ്ഷൻ ചടങ്ങുകൾ നടക്കുക.
2017 ഏപ്രില്‍ മാസത്തിലായിരുന്നു സഹീര്‍ ഖാന്റെയും സാഗരികയുടെയും വിവാഹ നിശ്ചയം കഴിഞ്ഞത്. മൈക്രോ ബ്ലോഗിങ് സൈറ്റായ ട്വിറ്ററിലൂടെ സഹീര്‍ ഖാന്‍ തന്നെയാണ് തങ്ങളുടെ പ്രണയബന്ധം പരസ്യമാക്കിയത്. ഇപ്പോഴിതാ പ്രൗഡഗംഭീരമായ ചടങ്ങിൽ മെഗാതാരങ്ങളുടെ വിവാഹവും കഴിഞ്ഞു.
വിവാഹ പാര്‍ട്ടിയില്‍ ക്രിക്കറ്റ് ലോകത്തുനിന്നും ബോളിവുഡിൽ നിന്നുമുള്ള പ്രമുഖർ റിസപ്ഷനിൽ പങ്കെടുക്കും. ഏറെ നാളുകളായുള്ള പ്രണയത്തിനൊടുവിലാണ് സഹീർ ഖാൻ സാഗരികയെ വിവാഹം ചെയ്യുന്നത്. ഇവരുടെ വിവാഹ നിശ്ചയം കഴിഞ്ഞിട്ട് തന്നെ മാസങ്ങളായി.
