ഓസ്ട്രേലിയക്കെതിരെ അവശേഷിക്കുന്ന 2 ടെസ്റ്റ് മത്സരങ്ങളിലും ബാറ്റർ ശുഭ്മാൻ ഗിൽ ഇന്ത്യൻ ടീമിൽ സ്ഥാനമർഹിക്കുന്നുണ്ടെന്ന് മുൻ ഇന്ത്യൻ പരിശീലകനായ രവിശാസ്ത്രി. വരാനിരിക്കുന്ന 2 ടെസ്റ്റിലും രാഹുലിനേക്കാൾ ഇന്ത്യക്കാവശ്യം ഗില്ലിനെയാണെന്നും ശാസ്ത്രി പറഞ്ഞു.
ഗില്ലിൻ്റെ സമീപകാല ഫോമുൽ രാഹുലിൻ്റെ സമീപകാലത്തെ മോശം പ്രകടനങ്ങളും കൂടി കണക്കിലെടുത്താണ് രവിശാസ്ത്രിയുടെ പ്രസ്ഥാവന.നിലവിൽ മികച്ച രീതിയിലാണ് ഗിൽ ബാറ്റ് വീശുന്നത്. റൺസ്നേടിയാലും ഇല്ലെങ്കിലും ഗിൽ ടീമിൽ സ്ഥാനം അർഹിക്കുന്നുണ്ട്. സമീപകാലത്തായി മികച്ച പ്രകടനങ്ങൾ നടത്തിയ ഒരു കളിക്കാരന് എന്തുകൊണ്ട് ടീമിൽ സ്ഥാനം ലഭിക്കുന്നില്ലെന്ന് ചിന്തിക്കുന്ന കളിക്കാർ ഡൃസിങ് റൂമിൽ തന്നെയുണ്ടാകുമെന്നും ശാസ്ത്രി പറഞ്ഞു.
കെ എൽ രാഹുലിന് തൻ്റെ ബാറ്റിങ്ങിലെ പിഴവുകൾ കണ്ടെത്തി ശക്തമായി തിരികെയെത്താൻ ഇടവേള നൽകുന്നതാണ് ഉചിതം. ഞാൻ പരിശീലകനായിരിക്കെ ഇംഗ്ലണ്ടിൽ നടന്ന ആദ്യ ടെസ്റ്റിൽ പുജാരയ്ക്ക് ഇത്തരം വിശ്രമം നൽകിയിരുന്നു. അതിന് ശേഷം സെഞ്ചുറി നേടിയാണ് പുജാര ടെസ്റ്റിൽ തിരികെ വന്നതെന്നും ശാസ്ത്രി പറഞ്ഞു.
